كان عااارفهااا خرجات منها غير بعفوية بفرحتها و حقيقةً بحال هادشي كان بالنسبة ليه عادي لاسيما هاد التعبير اللغوي أما هي قالتها لو بحال لي كانت موالفة تقولها " لمها , جدها , صاحبتها " بفرحتهاا من إنجازها فالوقت لي كانت حتى فدارهم مامخليينهاش تخدم
هز عينو للباب ناوي يخرج في حين هضرتهم بجوج كانت فالنهاية ديالها .. و بهدااوة فالصوت ماكانتش مبيينة النية ديالو المُبهَمَة غمغم
عِز : ماتسبقيش الفرحة قبل العيد ݣلت لك غانشوف على حسب نتي و شغاديري
كان التيليفون كاايصوني فجيبو ولكن السيلونص داااير خدمتو و قااطع ليه الحس اما هي فهاد الأثناء عتابراات هضرتو بحال شي تَحدي خاصها تبين فيه جَدارتها .. حسات بيه بدا كايتحرك لجهة الباب و بعداات منو هااازة راسها فيه و جامعة يديها مور ضهرها كاتتمشا رااجعة باللور وهي مقابلة معاه
فيروز : [ هزات حاجبها بثِقة ] ودابا تينا ادقول مع راسك ما انقدرشي [ حدرات راسها للأرض كاضحك برِقّة وعاودات هزات راسها فيه ] بالحَق انا عارفة راسي و تايقة فراسي انرباح و انعمل جهدي كولُّو ودابا دشوف
شاف فيها نطق بخشونة متناقضة مع تقاسيم وجهو الهادئة ومتطابقة مع عيونو الحادّة خلووق
عِز : وماكانتسناش قل من هادشي
مد يدو بعدها من طريقو كانت متقلة لييه المشية بمشيتها و خرج للجردة من مور ما هز تيليفونو و جاوب
× عـنـد مُراد و أسـمـاء ×
داخل للدار وو شاد فيديه واحد المُغلف مخشيين فيه الوراق ديال الهويّة المزورة ناوي يعطيهم ليه من يد ليد و فاليد الثانية شاد التيليفون و كايصوني لعِز كان مواااالف يلقاه فوووقمااا يكون شي بلان اما دابا يلا ماكانش ملهي بالخدمة كايعرفو كاين فدارو اما دابا فيين اليد لي تهز التيليفون و تجاوب
مع الدخلة مع هز عينيه حتى باانت واقفة فالجردة مكبــطة و ضاربة طربوش فالبيض والغوز مع كاشكول على ماكاايبان مغطي لها عنقها و مدفيه
علّااا صوتوو باش تسمعو
مُراد : مازال ماهداك الله تقادي لي شي كاشكول
هزات عينيها فيه بان ليها جااي لجهتها حتى وصل لعندهاا عرفاااتو غايسحابليه نسااتو فيه
أسماء : راني مانسيتكش قاديت لك واحد كنت كانتسناك غير تسول فيه [ قرباات يدها لشفايفها كاتسوط فيهم تدفيهم من البرد ] ولا تحتاجو ونعطيه لك
مُراد : وا جودي علينا بيه ولا ماسخيتيش؟
دخلات مع الباب ساابقاه
أسماء : غير نويتيها فيا خايبة وصافي والله
وقفات فالكولوار و بدات كاتفك الكاشكول ديالها لي كان فاللول كايبان عااادي حتى تبييينات حقيقتو كان عِبارة على ودينات طوااال لاصقين فالطربوش لي جاي التصميم ديالو على شكل أرنب بَري .. جات بيه كيوووت بعيون الغزال الواسعين لي عندها .. دخلات للداخل لواحد القنت كاتجلس فيه باش تكروشي و تحيك كان محطوط واحد الطربوش و كاشكول تقليدييين بحال لي موالفين يديرو عباد الله ماشي بحال ديالها
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
