° ففيرمة الأنصاري °
كانو جالسين ماعليهم مابيهم حتى ضربات السبعة ديال العشية وهي توصلهم الخبار من عند دراري لي عساسين على برّا بمجية واحد الضيف جاي محمل و مجمل ماجاي بيديه خاويين حتى دخل عليهم فالكولوار هو و دراري متقليين بالكادوات لي جا متقل بيهم
الحاج قاسم : ولد المُرتضى؟ [ هببط عينو للتقل لي جايب معاه ]
مصعب : [ قررب لعندو و سلم عليه بسلام رجولي ] ياكما جيت فشي وقت ماشي هو هداك الحاج؟
الحاج قاسم : دار الانصاري بابها محلول للضيافة والايني [ تمشا ناحية الباب بانو ليه باااقيين كايدخلوو فالسخرة ] يلا ماخفت نكدب مجيتك مابانتش ليا مجية غير هكاك وعلى الله
مُصعب : [ بصوت خَشِن رجولي ] وا هو الحاج عندك الحق ماجايش لتضياع الوقت والهضرة فالخاوي
الحاج قاسم : [ حط يدو على ضهرو ] زيد زيد دخل من الباب ماتبقاش واقف فالكولوار ها دراري دايرين غايدخلو لي باقي
دخلو للصالون يجلس يتسناه و مشا علم مراتو بمجية الضياف عاد عاود جا جلس مقابل معاه
الحاج قاسم : واش طرا شي مشكل و الكولونيل سيفطك بلاصتو؟
مصعب : لا ماشي داكشي الحاج هاد الخطرة مجيتي بعيدة على خويا و بنتكم
الحاج قاسم : الله يسمعنا خبار الخير
بدا كايلعب بلسانو فباطن حنكو كايحاول يلتاقط نفس عمييق قبل مايصرح بمَطالبو الجريئة
مُصعب : هاد المرة جيت على ود بنتكم الصغيرة
رتافع حاجبو معبرر على الإستغراب و الإستفسار
الحاج قاسم : غزلان؟
مصعب : هي علاامن جيت وهي علامن داوي
هز التسبيح ديالو و تقاد فجلستو هااز عينو فيه
الحاج قاسم : هكاك ا ولد المرتضى ، علاش اش كاين عندك عليها حتى تجي من الحسيمة حتى لتاونات؟
مصعب : راك فاهمني الحاج الراجل يلا ضرب ديك الطريق كاملة باش يدوي مع الولي فبنتو بااين العربون ولا بان المعنى لا فايدة فالتكرار [ شبك يدو و تقاد فالجلسة ] ماكاين غير الخير الحاج وماغانتلواش عليك فالهضرة بنتك من نهار شفتها فعرس بنتك الكبيرة زبيبة وعاودت شفتها فالعيد من تما وهي فبالي و نويتها تكون عمارة داري وهاد النهار جيت قاصدك داخل من الباب وانا ناوي الحلال معاها
الحاج قاسم : والايني ا ولد المرتضى على حساب داكشي لي عارف نتا مجوج و عندك المرا فالدار علاياش باقي كاتقلب؟
غيير جبدها لو حس بيه جبد لو شييطان و تاابعة كحلة لاصقة ليه فضهرو
مصعب : [ مسح وجهو بنرفزة ] اودي الحاج ماتهزش همها وماضربش الحساب لهادشي ، بنتك انا غانتهلااا فيها و ماتخافش عليها غانسكنها بوحدها ماغايوصلهاش الصهد من ديك الجهة وراك عارفني من جهة يدي لي بغاتها توصل حتى لعندها ماكاينش لي يخصر بخاطرها المخييرة فالمخييرات توصل حتى لعندها
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
