𝐁𝐘 : كـاپـيـطـوسـة // Nezha El Filali
كانت اسااسا الدعوة خاوية تقريبًا هنا
عِز : ماكايشوف فيك حد منويـة غير مع راسك
حتى بغات السيدة تجي تعاونهم ولكن دار لها اشارة بيديه بمعنى مامحتاجينهاش هاد الساعة .. تحررك من تما كايقلب بعينيه وسط دوك الحوايج على شي حاااجة كاينة فبالو و مالاقيهاش هنا
شدات لو فدراعو و زاادت قربات لعندو نطقات بشويييية ولات طااالبة سلة بلاا عنب
فيروز : صافي غا رجعني نطوموبيل يرحم باباك نستناك تماك تااا تسالي على راااحتك
وقف قدام واحد الدوپياس جاي الستيل ديالهم بستيل البونضاج فالكحل .. مد يدو كايقيسها بيديه و جاوبها بلا مايشوف فيها
عِز : ياك ݣلتي باغا تخرجي معايا؟!
فيروز : [ قوسات حجبانها ] وا تينا قولتي ادخروج دجيب غا شي حاجة للعشا ماقولتيشي لي مرّة هادشي
بععد من جهتو و مشا كايشوف شي حاجة خرا مجاوبها بكل هُدوء و تقالة مشغول بالتقلاب
عِز : العشا فيه و فيه
ضارت تشوف فالبنت لي فجهة لاكيس لقاتها نييت كاتشوف فيهم و كاتتبسم .. ماكرهاااتش كون تشقااات لرض و بلعاتها صاافي بااااينة غاتكون فهمات علاش جاو للهنا و لاياش باغيين هاد الحوايج
فيروز : [ قلبات وجهها لجهتو تخلطوو عليها العرااارم الحشمة و الحݣرة ] دابا مالك هايدا؟ علاش دايمن خاصك فأخر كولّا خرجة دهجرو لي دايمان عامل لي مصيدة وانا... [ تنفخااات وقلباات وجهها للجنب معييصبة ] واناا كي الضبعة ماشاا معاك
عِز : [ أكــد لها هضرتو بهداوة طااغية على صوتو ] ماكاينش لي كايدير لك المصايد ݣد فمك و يديك
وجهها مغطي و كون لقات باش تزيد تغطيه كون غطاااتو اما هو عاااد جاااتو ݣانتو يختار من بين هادوك شي حاجة تنغمو مخليها هي باغا تغررررق فحوااايجها
× عند أسماء و مُراد ×
وصلو لواحد المحل ديال الحوايج مشهور فداك السيكتور جاي فقلب بوغوتا .. محل بتصميم داخِلي كايعكس جمالية الفنون التقليدية و الثقافية لكولومبيا
وقفات قدام الواجهة الزجاجية ديالو كاتتفرج فواحد الكسوة تقلييدية فيه مزينة و مطررزة باليد
أسماء : [ وقفات كاتشوف فيه و هي متحمسة لداكشي لي باقي لداخل ] ندخلو نشوفو شنو فيه؟
مُراد : سير عالله زيدي حتى نشوفو هاد الليلة فين غانوخروها فيها
دخلو للداخل طالقيين العنان لعينيهم يتفرجو فتصاميم خراا تقليدية بألوان زااهية و منقوشة بنقشات زخرفية كاتنبض بالحياة فدوك الرفوف ديال المحل .. بقاو كايدورو بين التنانير المنفوشة و الفساتين و فينما دازت كاتحس بيهم كايجربو صبعانها يحال المغناطيس باش تقيس الملمس ديال دوك الأقمِشة بصبعانها مشجعهااا كتر حتى صوت الموسيقى التقليدية الراقصة من النسيم الشعبي لي كانت مطلوقة فالمحل مخلية عبق التراث الكولومبي مطلوق فالجو
أنت تقرأ
زوجة الكولونيل / COLONEL'S WIFE
Romanceهو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود ... بينما تجوبين دروب الفجور بأنوثتك الفاتنة ا ولا تعلمين أن الفتنة أشد من القتل وأن حكم الفتنة هو...
