اولاد الحكم

البارت ١٥

#اولاد_الحكم
للكاتبة روشان (مروج الشمري)

اعذروني البارت قصير بس جاية زيارة لأهلي وجداً تعبانة وسهرت لل٦ الصبح اكتب يادوب طلع هالكم عندي من التعب💔
قراءة ممتعة

................

سلا : اندكت باب المطبخ الي جانت مفتوحة شوية
الحجية صاحت

سنية: منوو؟!

فرح : هاي اني عمة

سنية: يمممه اجت فريحة ام العلوم

سلا : الحجية وجها انخطف لونه ،،سألتها ..منو هاي؟بعدها ما ردت البنية فتحت الباب وطبت بسرعة واني جنت كاعدة كبال الباب
صرت بوجها اول مشافتني وكفت بمكانها تباوعلي بتعجب

فرح: هلو عمة شلونج ،هاي شنو هم يمكم خطار !

سلا: الحجية كامت تتلعثم بالكلام مدري شبيها
باوعت عليه عضت شفتها كتنبيه الي ورجعت ردت عالبنية

سنية: اي البنية اقاربي جانت بالخارج ورجعت عدها معاملة هنا جاي تكملها

فرح: هااااا هلا بيها

سلا: رجعت باوعت عليه ووجهت كلامها الي

فرح:شتصيرين من عمة سنية،مشايفتج كبل

سلا: ضليت صافنة ماعرف شنو اجاوبها لان اصلاً ماعرف الحجية ليش تريد تخفي هويتي من الاساس ،،من سكتت نقذتني الحجية وهي ردت بسرعة

سنية: امها تصير بت خالتي ،،المهم شنو ردتي عيني ؟! على شنو جاية

فرح: اي ذكرتيني ،،امي تريد فد بيتنجانات ثنين تريد تسوي تبسي واتذكرت ماعدها بيتنجان وابوية مموجود محد يجيبلنا من السوك هسه

سنية: هو البيتنجان اساس التبسي وطلع ماعدها ،على شنو تسوي تبسيها عالهوى

سلا: كامت الحجية راحت يم الثلاجة طلعت بيتنجان عدد وراحت خلته الها بكاسة جبيرة

بالاثناء دك وارث،فتحت الخط بسرعة وكمت ماشية دا اطلع من المطبخ وبقت الحجية وهاي البنية يحجن وصوتهن عالي

رديت بحماس ،،ها وارث بشرنييي؟ الله عليك اكو اخبار زينة ؟ اذا الاخبار مو زينة طكها بوجهي كبل حتى ما اتأمل وانهار

وارث: على كيفج مدام انهيار

انتي شوكت تقوين كل حجاية والثانية راح انهار !!
بس اهدي شوية جايبلج اخبار حلوة

سلا: ايييي يا الله

وارث: بس هاي منو يمكم شو هوسة ؟

سلا: ماكو احد هي بنية وحدة حاي تحاجي خالة بالمطبخ بس شو هي خبصة ..

وارث: منو هاي معرفتي ؟

سلا: لا ماعرف بس امك من سمعت صوتها كالت اجتي فرحة مدري فريحة ووجها صار ملون