اولاد الحكم

البارت ١٩

#اولاد_الحكم
للكاتبة روشان(مروج الشمري)

ورداتي اتأخرت عليكم لان ردت ادللكم ببارت كلش طويل 🥹
شوفوني تفاعلكم الحلو حتى الدلال يزيد🖤

البارت ١٩

ايمي : ما اتحمل ولا اريد اسمع حتى طاريه ،اني متأذية كلش ولو بيدي احركه واحرك شكو رجال بالدنيا كلها بسبب الي شفته منه وبسببه ،،

طلكيني منه مهما كان الثمن ،الموت عندي ارحم من رجوعي اله ...

فلة : تأشرلي وترجف ودموعها ما وكفت ابد ،الي بيها بسبب غالب مو هين ابد ،احس جواها هواي حجي هواي وجع ما اعرفه ،،، ايمان الي ضمت عليه خبر سفره ست اشهر ما استبعد تطلع ضامة بعد هواي اشياء ...اتقربت منها وحجيت .... شمسوي بيج ؟!
ايمان كولي غالب شنو سوه وخله روحج رماد
شسوه وخلاج بهالخوف والرجفة

سكتي هواي وما حصلتي شي لا غالب استعدل ولا حميتي نفسج ولا راح تحميني ،،مديت ايدي مسحت دمعتها واني الدمعة واكفه بطارف رمشي

كولي يا عيون اختج ...

ايمي : مابيه شي اني متأذية منه بما فيه الكفاية نفسياً وجسدياً وانتي تعرفين بهالشي ما ضامة عليج شي صدكيني ،،ففدوة اسحبي الدعوة وطلكيني بأقرب وقت ،ترى غالب اذا رجعني ميخليني عايشة خاصة بعد الي صار والكتلة الي اكلها ،واني ماريد اخسر روحي واعرف ابني لهيج اب

فلة: هذا هو راح اسحبها بس لتخافين انتي ،وحق كل حرف بكتاب الله لو اعرف اسويها دم ما اخليج ترجعين
فهمتي عليه ؟!! ارتاحي وماريد اشوف الدمعة بعينج منا وجاي علمود هالناقص

ايمي : عفت غفران كاعدة وارتميت بفراشي ،حضنت المخدة احاول اضم بيها آهاتي وحرگات گلبي ،ذكرياتي المرة ووجعي الما ينسي

غفران جانت وما زالت ملجأي الوحيد بالحياة بس اني انسانة ضعيفة وخوافه ،مجنت اكدر احجيلها كلشي امر بي سكتت واتحملت غالب في سبيل لا ارجع لهالبيت

اني الي ضاعت طفولتي بسبب حميد ،وضاعت مراهقتي وبداية شبابي بسبب غالب

حميد الي جنت بكل مرة اخلص من ايده بأعجوبة ،استغل ضغفي وفقدان صوتي و بكل لحظة تصيرله فرصة الكاه يحاول ينهش لحمي وياخذني لعبة يفرغ بيها غريزته وقذارته ..

لحد ما اجتني الفرصة اخلص منه واحمي نفسي وشرفي ولكيت نفسي ارتمي بأحضان غالب ،انسان مريض نفسي وسادي ،معنِف ما ترك مكان بجسمي بدون ما يطبع عليه اثر حزامه وجكارته الي جان يتفنن يطفيها بجلدي بكل ليلة يكضيها ويايه

هاي اذا ما كضى ليلته ويا بنات الليل الي مرافقهن ،،

وبكل مرة يكعد يتوسل ويبوس بيه بعد الالم الي سببه وحجته ان هو يفقد بسبب حبه الي ...كذاب واعرفه كذاب