اولاد الحكم

البارت ٣٤

#اولاد_الحكم
للكاتبة روشان (مروج الشمري)

البارت ٣٤

ايمي :فاطمة تحجي بعصبية وصراخ ،اقتربت مني كامت تضرب بيه
بخبال ،شمر بدر الي بيده ولزمها وخرها مني وحضنها

فاطمة: متاخذييين ابوية ، ولي وليييييييي منا

ايمي: صرخ بدر وهو حاضنها
بدر : فااااطمة اشششش ،اش بابا شهالحجي عيييب

ردت وهي تبجي
فاطمة: ما اريد بابا ماريد تتزوج وتعوفني

بدر : ماعوفج منو كال اعوفج!! غير انتي گلبي اكو واحد يعوف گلبه

ايمي: غسلت ايدي بسرعة وابتعدت عنهم انداريت لكيت وحدة من خالاتهم واكفة يم باب المطبخ تباوعلنا ورافعة حاجبها لان سمعت كلشي

واني اباوعلها طبت خالة سنية من وراها اجت تركض على صوت وصياح فاطمة شافت بدر لامها بحضنه بقوة

سنية : شكوو يمة شبيها فاطمة ؟! 

ايمي : اتمنيت الكاع تنشك وتبلعني بهاللحظة هالهوسة كلها بسببي ،متت فشلة وقهر وكفت بنهاية المطبخ اتمنى اختفي قبل لا تصير عيونهم عليه

قبل لا يرد بدر على امه حجت اختها لسنية
-هاي شنو سنية شنو احنا غربى شو مكلتي بدر خاطب وهالبنية خطيبته ،مو شكم مرة سألناج عليها تكولين اخت غفران

ايمي: باوعت لبدر بسرعة بصدمة وهو هم مصدوم ،خالة سنية تباوع علينا تريد تاكلنا بعيونها مفاهمة شنو السالفة
وخرت فاطمة من ايد ابوها وركضت على سنية

فاطمة: بيبي كوليله ليتزوج حبابة حبابة .. ماريد هاي تاخذه مني

ايمي: حجتها واشرت عليه ، رمشت عيوني بقهرة ونزلت دمعتي بسرعة ، نزلت ردانات دشداشتي عدلت شالي بتوتر واني احاول اخفي رجفة شفايفي
وعفت المطبخ وطلعت

اسمع سنية وراي تكول لاختها

سنية: ماكو لا خطوبة ولا شي انتي افتهمتي غلط

-لعد مو هياتها الطفلة جاي تحجي

سنية : معليج بيها طفلة متدري شكو وشماكو

بدر : بلا زحمة عليج خالة ،الشغلة هاي خاصة بية وما اريد احجي بيها ،فأذا امكن نسد الموضوع واعتبري نفسج ما سمعتي شي وامي ترى حالها من حالج متدري بشي ماكو داعي تذبين اللوم بيها

اني عود من اخطب ان شاء الله ادزلكم خبر كلكم وافرحكم

-ان شاء الله يخالة شايف الخير شنريد احنا قابل

بدر : اشكرج ... كملت كلامي ومشيت اخذت فاطمة من ايد امي كدتها وطلعت البيت

حجت والحزن بصوتها

فاطمة : وين نروح ؟

بدر : نتمشى بره، واشتريلج ونرجع
اتمشينا وصلنا لراس الفرع واني ساكت