اولاد الحكم

البارت ٤

#اولا_الحكم
للكاتبة روشان ( مروج الشمري)

البارت ٤

-اني سلا عراقية عايشة بكندا من ١٤ سنة تقريباً
وارث: واني
وارث الحَكَم سلمان ،عايش بكندا من ٦ سنوات

سلا: اتشرفت بمعرفتي الك ، ،صراحة كلش افرح من اشوف شخص عربي هنا ،فما بالك اذا كان عراقي

وارث: الشرف الي والله ،،
انتي مشتركة قديمة هنا بالنادي ؟ لان مبين المدربين يعرفوج

سلا: لا اني هم مدربة ،(ترردت  شوية وكملت كلام)  مدربة رقص ادرب بنات فقط

وارث: اهااا ...بالتوفيق ان شاء الله
يلا اخذي راحتج واسف اخاف عطلتج عن شغلج

سلا: لااا ابد ماكو تعطيل بالعكس سعيدة بكلامي وياك

وارث: كالت الكلام وابتسمت ،شكد حلوة ابتسامتها،هي كلها تخبل سبحان الله ملامحها جذابة بشكل

سلمت عليها ومشيت كم خطوة ،صاحتني

سلا: استاذ وارث
وارث: انداريت مستغرب ،شنو ممكن تريذ مني !!
نعم عيناي

سلا: من كال كلمة عيناي عبالك گلبي صاح الله
شكد احب هالكلمة جنت اسمعها من بابا بس ومن راح راحت وياه ،واعرف هواي من العراقيين يكولوها لهالسبب هنا انحرمت من سماعها لان اول مرة اصادف شخص محترم ولسانه حلو هيج واسمعها منه

وارث: مدري شبيها صافنة بوجهي يمكن كلمتي صدمتها بس اني متعود اكولها للكل فماخذ لساني عليها،رجعت اتقربت يمها ،باوعت بوجها بأستغراب وكلت بقلق

محتاجة شي ؟

سلا: هااا ،لا العفو منك صفنت شوية
بس ردت اعرف راح نشوفك بعد ؟

وارث: سؤالها هذا من اول لقاء مال وحدة جريئة بس نبرتها ونظرات عينها جانت كلش خجولة من سألت
فرديت عليها بجواب اكثر جرئة

ليش تردين تشوفيني مرة ثانية ؟
ابتسمت بخجل دنكت ورجعت باوعتلي وكالت

سلا: اكيد اتمنى
وارث: كالتها بضحكة واني هم ضحكت ورديت
اني كل يوم هيج وقت متواجد هنا
وان شاء الله نلتقي

سلا: تمام اشوفك لعد ،باي
وارث: اشرت بيدها باي وراحت ،بقيت بمكاني صافن واحاجي نفسي

اني وين جنت ناوي وشسويت هسه !!!
الي جان ببالي اشوفها واخليها تبريني الذمة وابطل حتى من النادي !! لان اساس جيتي هنا علمودها

شو اني من صارت كبالي مكدرت احجي كلشي ...بس ان شاء الله عالمرة الجاية اكدر اكيد حتى انهي كلشي واخلص ،
.
.
سلا: رجعت البيت بس طول الطريق افكر بي ،مو بشكله وانما بشخصيته ،حجينا قليل بس رزانته وثقته وهو يتحجي خلته يثبت بعقلي ،صار عندي ادراك ان اني من سنين طويلة ما شفت شخص بهيج شخصية