اولاد الحكم

البارت ١٣

#اولاد_الحكم
للكاتبة روشان(مروج الشمري)

البارت ١٣

دنيا : هذا ابنج ميستحي على نفسه يحاجيني هالشكل !! اني صوجي اسلم عليه قابل ميتة عليه وعلى سلامه

بس شكول خليه خليه حاير بمرته الزركة ،ولو هم الزركة احسن مني ومن خواتي كاعد حظها يشيل ويحط بيها

فلة: بتار ساندني من سمعنا كلامها انداريت صارت عيني بعينه ،حسيت نظراته كامت تتجادح من الاعصاب ،سمعنا خالة ترزلها بس منتبهت شنو كالت الها

بتار: اوكفي هنا هسه اجي

فلة: عرفت يريد يروح عليها لزمت ايده بقوة ،عوفها معليك بيها

بتار: دوكفي هنا يا عيني لتوازيني

فلة: لتضوج روحك بكلامها متسوى والله تتعارك وياها

بتار: لا شنو السالفة اشايفتني اتعارك ويا مرة اني ،بس اريد اعرفها قيمة الي تكول عليها زركة
،والاحسن تعالي ويايه اريدج

فلة: اخذني ورجع دخل للصالة ،ويا دخلتنا صار هدوء بعد مجانت دنيا تدردم وخالة متقبل وتحجي عليها،من شافتنا انخلست وتباوعلي بحقد حسيتها تريد تكطعني

صاحها بتار يعصبية

بتار : دنياااا ،،،كومي طلعي برااااا
وقسماً بالله رجلج اذا خطت باب هالبيت مرة ثانية اكسرها الج وارجعج زحف لبيتكم

كامت وبكل صلافة ردت بصوت عالي وهي تأشر
دنيا : يا حييف يا حيف عالزلم ،،ولك تطرد بت عمك علمود مرتك

بتار: دتشوفين هذا (حجاها واشر على نعال غفران) هذا الي برجل مرتي تخلي تاج فوك راسج وراس الخلفوج ....وصلللت لو اعيدهااا؟

فلة: من يمي فشلت وطبيت بنص هدومي شحال هي !!! كامت ترجف تريد تهد على بتار واختها لزمتها

دنيا : اي اييي هي هاي عيشة وتربية الشوارع الجنت لافي بيها شترجى منك

سنية: يا ادبسز يلما مترباية ولج انتي منو بكد القندرة وتحجين على تربيتي ،بتار تربيتي انيييي والله اطيح حظ حظج اذا حجيتي هالحجاية بعد مال شوارع

رد عليها بتار ببرود
بتار: عوفيها يمه اعرف شتقصد، اندار موجه كلامه لدنيا

الشوارع الي تحجين عليها كدرت تربي وتطلع رجال بكل معنى الكلمة احسن من بيت بي ام واب وما كدر يربي ولو بنية وحده من بناته

فرح: مو عيب عمة ببيتكم احنا ونسمع هالحجي

سنية: يا عمة اختج ماعرفت العيب ولا احترمت البيت الي طبت بي،هي دكت الباب واخذت الجواب الي تستاهله

فلة: دنيا جرت عباتها وطلعت بسرعة تركض والشعر مفتوح كاريه يركض ويهف وراها مادري شكو فاتحته تستعرض بي تالي خوش صارلها عرض هنا ,انمسحت بيها الكاع