اولاد الحكم

البارت ٢٧

#اولاد_الحكم

للكاتبة روشان (مروج الشمري)

البارت ٢٧

خل للطرمة بدر وراه دخلت بنية شابة ،ما شاء الله الجمال الشايلته مشايفته عد احد ،نسيت ايمان وبقيت صافنة عليها ثواني

سلمت هي على بتار وبدر كال لبتار

بدر : عرفتها ؟

بتار : باوعلها بأستغراب ،، ورجع باوع لبدر
هز راسه ..لا ماعرفتها ولا صغراً بيها طبعاً

بدر : هاي مريم بت عمك ،طالبة كلية طب مرحلة رابعة
ملكيت احد غيرها يساعدني بهالظرف ....

فلة: اتفاجأت كلش من سمعته ،عيوني اتركزت على بتار ،الي اتغيرت ملامحه فجأة وبين عليه الانزعاج

دنك راسه ورد من ورى خشمه

بتار: اهلاً وسهلاً هلا بيها ،تفضلو جوة

فلة: اتقدموا وصلو يمي اتلكيتهم بأبتسامة بسيطة دخلو للبيت بدر شايل علاكة مال ادوية انطاها الها بسرعة

بدر : هاي بيها العلاج الي تحتاجه ،انتي بس خليلها المغذي وقيسي ضغها وراقبي الحالة مثل ما كتلج

فلة: اخذت العلاج منه، بدر وبتار كعدوا بالصالة واني اخذتها ودخلنا للغرفة راحت بسرعة على ايمان ،قاست ضغطها

مريم: مثل مكال بدر هبوط حاد

فلة: متقبل تاكل هذا ثالث يوم ...هزت راسها وطلعت الكانولة بسرعة اجت تخليها بيدها
ويا الجكة ايمان فزت سحبت ايدها وصرخت 

ركضت عليها لزمت ايدها احاول اطمنها
اهدي امي ،،لتخافين هاي دكتورة اجت علمودج

فتحت عينها بثكل باوعت لمريم اتطمنت ورجعت غمضت ،كملت مريم شغلها
خلت العلاج ببطل المغذي وبقت تراقب حالتها كلساع

وامي مرة اباوع لأيمان ومرة ارجع اباوع عليها شكلها عبالك اجنبية ما شاء الله ،وجها بدون مكياج ابيض وبشرة صافية على حمار ،عيونها لونهن اخضر فاتح

وطويلة وضخمة شوية شايلة جسم كلش مرتب بالضبط مثل جسم سهير رمزي
ولابسه كوت طويل كلش اسود وجواه جبة اسلامية لونها ماروني والشال اسود وجها مدور

اني بنية وصفنت عليها ،مدري شلون ولدنا عايفيها لحد هسه ..

هي انتبهت عليه جاي اباوعلها هواية ،كلساع تشوفني وترجع تكمل شغلها

هي هم انتبهت على جسم ايمان والاثر الي بي ،غمضت عينها بتأثر ورجعت كملت كانما ما شافت شي

البنية بس ساكته حلكها مفتحته طول ما هي كاعدة كلت يمكن تستحي مني ،حجيت اني

صارلي هواي هنا بس هاي اول مرة اعرف الولد عدهم بت عم دكتورة وبهيج جمال ما شاء الله علبج
انتي بت منو منهم ؟
اندارت باوعت علية ابتسمت بخجل وردت