اولاد الحكم

البارت ٣١

#اولاد_الحكم
للكاتبة روشان (مروج الشمري)

البارت ٣١

وارث: امشينا نتزوج

سلا: شهكت واني مركزة بعيونه لساني نبلع فجأة مكدرت احجي اي شي

بقى يباوع عليه ايده بجيوب قمصلته ،طالت نظراته الحنونة لعيوني لحد ما رفع ايده لراسه نزع الشفقة
وحجى بثقة

وارث: السكوت علامة الرضى ،يلا گلبي امشي

سلا: اجتني الضحكة ولزمت نفسي بالگوة،اتصنعت العصبية ورديت بحدية

لا والله ؟! اتخبلت انت ؟

وارث: شسوي هو هذا الفراك هيج يسوي
ناس اتخبلت (اشر على نفسه) وناس اتوكحت (اشر على سلا) وهو مبتسم

سلا: والله عاد هذا الموجود ،هاي سلا الجديدة ،اتوكحت حتى اكدر اعاشر البشر بوكتنا هذا ،لان كلهم غدارين ويلدغون فجأة

وارث: امممم ،صايرة تبسمرين ولج !!! لو باقين عالتجفيص مالتج اشرف

سلا: اني اچفص!!!! حجيتها بأنزعاج

وارث: عيناي... انتي ايقونة الچفصات

سلا: ليش شمسوية بله ؟

وارث: تتذكرين شسويتي بالمحل من تعاملتي ويا الرجال وانطيتي فلوس اكثر
لو من رحتي وكلتي لامي اني مدربة رقص بالنادي الرياضي وخليتيها تاكل راسي عبالها انتي راقصة بالنادي الليلي

سلا: عززززة بعيني صدك عوود

وارث: تلث ايام اني افهم بيها واحجيلها عن طبيعة شغلج يلا اقتنعت ...

سلا: واني اكول شبيها بالبدايات جانت مرات تضوج مني ومرات ترجع تحبني ،طلعت فاهمة الموضوع غلط

وارث: طبعاً من ورى لسانج ، اكو واحد يحجي بهيج شغلات كدام احد غريب ،واني جانت غريبة عنج
وفوكاها ضجتي من كتلج اتجفصين

سلا: اني هيج ماعرف اضم شي

وارث: المهم ،عوفينا من الراح
شكلتي هسه ؟

، مو اريد احضن والله گلبي جمر

سلا: كالها وصوته خفت فجأة ونبرته انترست حنين
متت بدمي من الخجل مصدومة بكلامة متعودة عليه يحاجيني بكل احترام

رديت بعصبية... شنو هالانحطاط والتسفلت

رد بصوت مخلوط بضحكة وعيونه دمعت
وارث: اتسفلت شنو ولج !! اسمها اتسوفل

سلا: درت وجهي عنه واتمشيت متجهة للمسطبات مال جلوس بمكان عام
وحجيت واني ماشية ... شعرفني اني هيج سامعتها مدري منين مو زين اتذكرتها

وارث: هاي سوالف امي يعني منين تسمعيها مثلاً من لارينا!!!

سلا: كعدت عالمسطبة وهو كعد بس بعيد عني