#اولاد_الحكم
للكاتبة روشان (مروج الشمري)
البارت ٣٠
بشير : غير انخمط گلبي من ركعت الباب بوجهي عبالي مسوي شي واني ممسوي
فلة: كعدت ايمان وراية عالجرباية ،رديت عليه
بصراحة حتى بدر ما مسوي بس اختي تتحسس
كرصتني ايمي بسرعة ،،ضحكت
بشير : ملوك الاحساس لايكين واحد عالاخ ....
فلة: فتحت عيوني بصدمة ،،وصحت
يمممه وانت شدراك !!!!
بشير : غير لو تشوفين بدر ،رجله صارت خيوط يا رايح يا راد للمطبخ لو مضيع ابوه ميحوص هلكد
فلة: ايمان زرفت خاصرتي وحمودي بحضني ماكدر اتحرك لان مطهر واخاف يتأذى بس ادفع بيها بعكسي
غمزت لبشير حتى يسكت ...نسيت هو الخباثة عنده لا كامت ولا كعدت ،انتبه ايمان متوترة وضامة نفسها ورى ظهري ،اتحمحم رفع حاجبه بحباثة وكال
بشير : والله الصراحة اني مفكر امرلكم فد يوم اريد اشرب جاي يمكم ونحجي بالموضوع
فلة: يا موضوع يمعود !!!
بشير: اخطب اختج لاخوية
فلة: ساعة سودة الي الله سلطك بيها على بدر
بشير : مو بس بدر اني الله مسلطني عليكم كلكم كاعدلكم سجينة خاصرة
ورجال بيكم الي يسوي مكسورة
فلة: رجال البيكم شنو؟! اني شعلية مدخلني بالموضوع اتحولت ومادري بروحي يا ستار !!!
بشير: على هاي الشوارب هي هييييي ،ترى من زمان طلعتي من الملة ، ملة النسوان اقصد
فلة: عزززة بعينك بشير هيج صاااارت!!!!
بشير : لتزعلين بربج ،بس شواربج ينحلف بيهن اكثر من شاربي
فلة: غير شاربك مابي حظ ...كلتها وضحكت ،ايمان بصفي رغم توترها بس سمعتني طكتها بضحكة على بشير الي وجهه انخطف
بشير : هاا ام حربة كمتي تردين
فلة: بالقرآن اصلخك صلخ بردودي بعدك متعرف لسان فلة زين
بشير : يلا بيناتنا الايام لو كاتل لو مكتول اني وياج ،
يطلع بتار من السجن يلكي بس واحد منا
فلة: نشوف نشوف حجيتها بثقة وبرود
هو ضحك واتمشى مقترب علية ،مد ايده بجيبه طلع فلوس خلاهن بيدي
بشير: هذا وارد هالشهر مال سيارة
فلة: خلف الله عليك عيني ،،،بس فدوة كبل لتروح شوف الضماد مال محمد
قبل شوية بدلتله جان طالع دم بالحفاظة
بشير : طبعاً يطلع دم ،غير كاصين من جلده قطعة شيطلعلج دهن كريز ،بس فتحي خاف هواي طالع دم احتمال متعور
أنت تقرأ
اولاد الحكم
General Fictionاخوة،جمعتهم على الحب امهم وفرقتهم اختياراتهم وانماط حياتهم فكيف سيكون اللقاء بعد غياب دام لسنوات عدة!!
