اولاد الحكم

البارت ١٨

#اولاد_الحكم
للكاتبة روشان (مروج الشمري)

البارت ١٨

ايمي: مرت تقريباً خمس ايام فلة يمي مفاركتني ابد ،ورجلها رجع لأهله ثاني يوم ...كاعدين اني وياها نسولف
وطبت علينا عمة فوزية وجها مخطوف مابي لون

فلة: شكو عمة ؟!! شبيج ؟
ردت بالكوة تمتمت

فوزية : هذاا ،هذا هناااا ويريدج

فلة: رديت بيرود ،منوه؟! كل ضني بتار اجه عليه لان كال اليوم امر بس مكال شوكت واحنا هسه ساعة عشرة الصبح

فوزية : غالب رجل ايمان ..

ايمي : انرعبت من سمعت طاريه ، لميت رجلي بحركة سريعة احاول احتوي نفسي
غفران باوعتلي بخزرة وحجت ويايه بتهديد

غفران : ليييش خفتي ؟!! ديربالج تخافين من هيج واحد ،ليش هو يكدر يوصل يمج بعد حتى اسويه وصل وصل هو وقنادره الي بالسجن

صيري قوية وماريد اشوف الخوف بعيونج ترى هالمرة اني اكتلج بيدي

ايمي: هزيت راسي بمعنى اي ..كامت غفران لبست شالها وطلعت
بقيت اني بقلق ،وصيت عمة فوزية تجيب زيد يمي بسرعة ماريده يشوفه اخاف جاي ياخذه مني

جابته واجتي ،حضنته بكل قوتي اريد اضمه جوه صدري ،اذا جاي ياخذه خل ياخذ روحي بالاول ..

فلة : طلعت من الغرفة اجتي عمة فوزية وراية تركض

فوزية: اوكفي اوكفي خل اطبب زيد بالغرفة بعدين فتحي الباب

فلة: ليشوين واكف هو

فوزية: بره ما فوته للبيت هالكواد هذا

فلة: عفية عليج عمة ،صايرة تبردين الگلب
اخذت زيودي ودته لأمه

وصلت الباب فتحتها رافعه حاجبي ،حجيت بعصبية وحدية

شتريد جاي ؟ وبيا عييين ؟!!

غالب : خل افوت ونحجي ،عيب ابقى بالباب اني مو غريب

فلة: صح مو غريب ،لان الغريب اشرف منك

غالب : احترمي نفسج واحجي عدل ،ماريد اتصرف وياج تصرف مو زين

ووخري من الباب خل افوت احسن ما الم العالم عليكم

فلة: دفع الباب ودفعني وياها ودخل كبل ،انداريت عليه بسرعة وصحت

والله اذا طبيت للبيت هسه ابلغ عليك واخليك تخيس بالسجون مثل حبايبك

اندار عليه عقد حواجبه وحجى ي
بتوعد رافع اصبعه بوجهي

غالب: وروح ابوية اذا ما سحبتي الشكوة يا غفران راح تشوفين انتي واختج الي بعمركم ما شفتوه

فلة: دطيييييير هم عاجبتك نفسك وتهدد ،واسم اختي تحلم بعد تجيبة على لسانك مو انوب اخليك تقترب منها