#اولاد_الحكم
للكاتبة روشان (مروج الشمري)
البارت ٢٠
ها أنا عدتٌ وحيدةٌ كٓما كنتٌ دوماً
أعيشٌ غربةً جديدةٓ ،ليست غربةً وطنٍ
بلْ غربةٓ مشاعرِ ظننتٌ أني هجرتها ورائي
كنتٌ مخطئة بأوهام وأحلام
ك قلعةٌ ٌبنيتها من الرمال على شاطىء
لتأتيها موجة عارمة تهدمها بلحظةِ
لأعود للبدايةِ
لعزلة توهمتٌ أني تخطيتها
لأعيش حزني مع جدران غرفتي
ودموعٓ تبلل وسادتي
لإلملم شتات روحي ضائعة
لأتخطى ماعشت وأعودٌ من حيث أتيتٌ وكنتٌ
......بقلم(سلامه علي)
.
.
بتار: ها عيني
فلة: اخذني لسلا بسرعة فدوة
بتار: شصار ؟!
فلة: سلا سمعت كلشي
بتار : لا يااااا الله ، انعل يوم يومك وارث على هالدكة ...شلون عرفتي كالتلج يعني لو شنو؟
فلة: نست جنطتها ورجعت تاخذها ،بس وضعها مو طبيعي منتهية كلش ،مو مثل ما طلعت قبل شوية
مبين سمعت لتنسى شباك الصالة مفتوح وصوتكم جان عالي غصب ينسمع
هز راسه
بتار: اي اي سمعت لعد ،لبسي بسرعة خل اوديج يمها
فلة: مشيت بسرعة ورجعت عليه حجيت بصيغة تحذير ...لتحجي شي لأهلك خل افهم منها اول
بتار: اكيد
فلة: لبست جبتي والشال ،رحت لخالة للصالة جانو بعدهم يسولفون بس بدر طلع راح لبيته
خالة احنا طالعين شوية ونرجع
سنية: خوما اكو شي ؟!!
فلة: لا يضل بالج محتاجة شغلات من الاسواق وبتار كال نتمشى سوى نجيبهن
مشت الحجة عليهم ،طلعت لكيت بتار ينتظرني يم الباب مشينا بسرعة متوجهين لبيت سلا ،بتار كلساع يندار عليه يباوع ،شافني مقهورة كلش والضوجة مبينه عليه ،سأل بفضول
بتار: مادري لهالدرجة سلا عزيزة عليج !! مدري بس هي لو انتي اي شخص تتعرفين عليه تنطي هيج من مشاعرج ؟
فلة : اكيد مو اي شخص ،اني مشاعري غالية ومتروح بس للي يستحقها
والا جان لكيتني عندي هواي صديقات ومتعلقة بهوري ناس مرو بحياتي
بس انت تعرف حتى معارفي واحبابي معدودين لان اعرف اختار ناسي صح
وسلا من اول يوم دخلت بي بيتنا والبنية جانت مثل منكول ورقة بيضة ،من اهل الله ماعدها دغش وسوالف من جوة لجوة،الي بگلبها على لسانها ،سوالفها جبرتني احسبها اخت وصديقة عزيزة
والله هسه احس بگلبي نار عليها حتى وارث كرهته
بتار: لاه لااه لهالدرجة؟!! يمعودة كولي يا الله بلكت تطلع مسامعة شي
أنت تقرأ
اولاد الحكم
General Fictionاخوة،جمعتهم على الحب امهم وفرقتهم اختياراتهم وانماط حياتهم فكيف سيكون اللقاء بعد غياب دام لسنوات عدة!!
