اولاد الحكم

تكملة البارت ٣٤

مساء الورد حبايبي
بناءاً على طلبكم وانزعاجكم من القفلة مال بارت الصبح
قررت اضيفلكم تكملة للبارت لان ما يهون علية تنتظرون للبارت الجاي

بس اريد منكم تفرحوني بتفاعلكم وتترسولي البارت تعليقات 😍ولايكات
حتى دائماً اوفرلكم هيج نوع من الدلال😅
احببببكم

#اولاد_الحكم
للكاتبة روشان (مروج الشمري)

تكملة البارت ٣٤

وارث : رجعت يم الميز تواليت استندت عليه واعصابي جاي تفور
صكيت على اسناني منطيها ظهري وحجيت

جنننة اطلعي براااااا بسرعة

اقتربت مني بثواني حضنتني من ورى وهي تصيح

جنة: متعوفني واااارث متعوفني ،والله اسويلك فضيحة هسة هنا والم البيت كله عليك
واكلهم يريد مني علاقة

وخرت ايدها الي حاوطت جسمي وانداريت دفعتها بقوة انشمرت بالكاع ،حجيت بعصبية

لعبتجن هاي بنات حكمت متعلمات عالفضيحة واللزمات

كامت من مكانها تباوعلي بصلافة
جنة: شتريد تحجي احجي المهم اخرب عليك هاليوم ،اذا متجي بالدمعة والكلمة الحلوة اجيبك بالصياح والفضيحة

وارث: جنة طلعييييي برررره قبل لا يصير بيج شي بعمرج كله ممتخيلته

اقتربت يمي تضحك ، جاية بطرك التراك ،شعرها مفتوح عالنص ومخليه حمرة حمرررة

جنة : شتسوي سوي اني ملك ايدك

كملت جملتها وانفتحت باب الغرفة بسرعة ،طب بشير وسد الباب وراه ،يباوعلها بغضب ورافع حاجبه
هي شافته اخترعت ،رجعت تباوعلي مصدومة

ضحكت وسديت الخط ،التلفون جان بيدي
اخذته من اول ما انداريت عالميز تواليت قبل لا تحضني اني داك على بشير الي فتح الخط وسمع كلشي

بشير : عوفج منه اخوية عريس ميفيدج ،اذا كلش شغلتج داچة اني موجود

باوعلها ورفع ايده اشر عليها من فوك ليجوة وحجى بأستصغار وهو رافع تك حاجب

بشير : صح انتي مو ذوقي ،بس هم ما اقصر وياج

وجها كام ينطي الوان وعيونها رادت تطلع من مكانها ،رجفت بعصبية وعاطت بوجهة

جنة: امشيييي كوااااد ،بقيت بس انت عليه

بس كملت كلامها اتجه بشير عليها لزمها من شعرها واتولاها ضرب راجديات تريد تفتح عينها متكدر

رد بعصبية
بشير : اني الكواد لو ابوج الماعرف يلزم كحابه ويربيهن عدل ،

ولج اذا ما ربيتج بيدي هاي ما اتسمى بشير ومو من ولد الحكم انيييي

وارث: واكف اتفرج عليهم ما رفلي عليها جفن ، كمل بشير كفخاته الها رادت تعيط ،لزم حلكها وصمه بيده وايد الثانية على شعرها جرها يم الباب واشرلي اقتربت منه شاورني وكال