اولاد الحكم

مقتطفات ٢

صباح الورد والياسمين

بناءً على طلب الاغلبية نزلت الكم مقتطفات قصيرة من مستقبل الرواية

وانتو بعد اتوقعوا كل مقتطف لمنو يعود ،وشنو سببه ...

#اولاد_الحكم
للكاتبة روشان (مروج الشمري)

مقتطفات ...٢

-يمممة لا تروووح من اروح فدوة لطولك،ولك هذا اخر ربع باقيلي من گلبي اذا راح ينتهي گلبي كله واموت

-صرخت بصوت مكتوم ،حلكي مربوط بلاصق محكم وعيوني معصبة بكل قوة ،حسيت دموعي اختنكت بداخل عيوني ،وبداخل هذا الهدوء والظلام الي اني بي حتى صوت انفاسي بدأ يرعبني
ودكات گلبي تدك بأذني صارت ،اسحب ايدي بقوة اريد بس احس واعرف اني وين ؟! ايدي ورجلي ملفوفة بسلاسل قوية ،وين اني !! نهايتي هاي ،نهايتي اكيد

-اذا تردين اعوفج على هواج وشتردين تسوين سوي وما افك حلكي بأي كلمة ،فكضي اليوم ويايه هنا ،على فراشي وبنص حضني ...وراها انتي حرة طليقة

-فتحت الموبايل الي جان صامت شفت ٧ مكالمات واردة منها ،ورسايل عالواتس اب فتحتهن بسرعة ..مكتوب
الحكلييييي ابننني ...ابني انخطف

-مدنك راسي عالموبايل شفقتي براسي ،فاتت من يمي بنية رفعت عيوني باوعتلها ورجعت دنكت بلا مبالاة ،عبرت واتعدتني،كفخ بخشمي عطرها
ورخت اصابع ايدي فجأة و وكع الموبايل عالميز وگلبي كام يخفق بكل قوته مثل ساعة المنبه
غمضت عيني بقوة احاول اكذب شعوري القوي الي ميز عطرها ... انداريت بسرعة اباوع على طولها
وخطواتها وحذائها الكعب البسيط
وهي تمشي بخطوات ثقيلة وكأنها تمشي على نغمات گلبي المرهف ....هي والله هي
فاتت من يمي وماعرفتها!!!!!

-اخذ الطفل من ايد امه لزمه بخوف ،عيونه غوركت
رفع راسه باوعلي ونزلت دمعة على خده الايسر
اقترب كعد عالكرسي الي بصفي والطفل بين احضانه ....حجى برجفة
هاي مو اول مرة اصير اب .... بس هاي اول مرة اشيل ابني بحضني

-تردين تبقين تردين ترحين بكيفج ،بس اني مالي كعدة بعد بالمكان الي انتي بي ....تعبتييييني ،كسرتيني هواي وطلعتي من عيني ،لهنا وانتهى كلشي وياج ...انتي طالك ....

-   -لكيت بيت يكفينا وراح اتفق ويا صاحبه عالايجار
   -ماكو طلعة من هالبيت ،تريد تورط نفسك بالاجار ومتعرف شلون
   -البيت صغير ومجاي يكفي
   -واحنا كوم لحم ومالنا معيل غيرك ،الفلوس الي تذبهن عالاجار خليهن مصرف مدتشوف مجاي تلحك على شي ،صفينا كلنا بركبتك ....

-اذا مترديني كولي ،الموت علية اهون مما اشوفج مجبورة بية

.....انتظروني ببارتات قادمة مليئة بالحماس ،الحب ،التضحية،الالم والفرح
تنتظركم احداث اكثر مما مضى ...🖤

احبكم