اولاد الحكم

البارت ٤١

#اولاد_الحكم
للكاتبة روشان (مروج الشمري)

صباح الخير ورداتي ،قراءة ممتعة ويا طيور حبنا الرقيقين ودينصورات الرواية ومعاركهم الازلية🌚

البارت ٤١

ايمان :  واني نايمة بحضنه بدت اطرافي ترجف والبجية رادت تطك من عيني ،حس بوضعي وضغط عليه بذراعه بقوة وهو يكول

بدر : اني بدر اني حبيبج ، اني دواج مو جرحج
لتخافين مني ، اذا حضني خوفج ،انومج بعيوني

بنص عيوني نامي برمشي اغطيج
مو بذراعي احضن خاف أاذيج

ايمان :لتخافين مني .... كلمة كالها اترسخت بعقلي ونستني باقي الكلام ،ابتعدت من حضنه هدأت روحي  وخفت رجفة اطرافي  ... رجعت نمت على ضهري بجانبه وعيني عالسقف رفعت ايدي ااشرله وهو يعيد الكلام الي فهمه مني بصوته

وكلت

شلون اخاف منك وانت صرت ملجأي الوحيد واماني ، سندي وعوض ربي ،مستحيل اخاف منك وابداً لتتوقع حالتي هاي خوف بكد ما هي اشمئزاز ،وحاشاك مو منك الاشمئزاز

بس من نفسي مرة ومن غريزة البشر وشهواتهم الف مرة ، اني ما اكره قربك مني بس كارهة العلاقة الزوجية نفسها لهالسبب صعبه اقبل القرب بيوم وليلة

اني لو ما گلبي رف الك ولحبك مجان فكرت بكل حياتي اخوض تجربة الزواج مرة ثانية

بدر : ليش تحجيلي هالحجي ؟ لا عبالج اني ضجت او بيوم من الايام راح اضوج من اي تصرف بدر منج بهالخصوص

اني اختاريتج  رغم كالولي الدرب شوك ، ومشيت بدربج ولكيت نفسي اتعثر بوردات ترفه
ما شفت الشوك الكالو عنه ، انتي ما يطلع منج بس الورد .. اني انتظرج العمر كله

تتذكرين من كتلج اني اكتفي وياج بالنظرة والكلمة ؟ اتخيلي هسه انتي بنص بيتي واحنا الاثنين جوة سكف واحد
يعني الصار فوك مستوى حلمي ... اني هسه بقمة سعادتي

اتخيلي اكعد من نومي مصبح بوجهج ، ارجع من دوامي الكى ضحكتج بوجهي ، اشوفج تتحركين كبالي ، اكل من اكلج وانعم بأهتمامج
اني وياج حعيش ملك زماني

فلتبقين تفكرين ان اني ضايج اريدج بس تفكرين شلون تتدلليني وشلون تتدللين عليه

ايمان : كمل كلامه واقترب باسني بخدي بوسة خاطفة وسريعة وهو يضحك
ابتسمت بخجل ،وسمعنا جرس الباب اندك كام بدر بسرعة طلع واني كمت وراه مستغربة منو يجي هسه وكفت بالصالة باوعت من ورى البردة ، فتح بدر الباب دخل وارث للكراج بيده صينية جبيرة انطاها لبدر وحجو شوية وراح ، رحت بسرعة فتحت باب المطبخ ودخل بدر بالصينية المغطاية بقطعة قماش بيضة خلاها عالكاونتر وهو يضحك

بدر : تدرين نسيت احنا ممتعشين

ايمان : حتى اني !

بدر: بس حجية سنية متنسى ،