اولاد الحكم

البارت ٧

#اولاد_الحكم
للكاتبة روشان(مروج الشمري)

البارت ٧

وارث: اتقدمت يمهم من شافوني اتلكوني اتسالمت وياهم ،وسألت خير ان شاء الله

رد محمد ابن عمي
محمد: اليوم كطعنا مهر لمحمود اخوية على جنة بت عمي
يوم الالك ان شاء الله ابن العم

وارث: على منوو؟!! اكيد ما سمعت زين

محمود : جنة بت حكمت ،شبيك صاير ما تسمع هههه

وارث : يا الله على لوية گلبي بهاللحظة
يا الله عالنار الي اشتعلت بيه ،
شكو دم بجسمي صعد لراسي وفقدت شكو عقل بيه

ما شفت نفسي الا دافعهم كلهم من طريقي وصاعد اركض للمشتمل مال بيت عمي
الباب مفتوحة شوية دفرتها وطبيت للصالة صارو عمامي بوجهي ،،

حكمت : شببيييك ولك اتخبلت ،اكو واحد هيج يفوت !؟

وارث: جننننة الييي ومتصير لغيري
وتمثليتكم هاي هسه تنتهي هنااااا وبهالحظة ،حجيت وضربت ايدي عالميز الي كبالهم

انداريت لابو جنة ،ولك ما شفت عم دوننني مثلك ،جيتك من الباب وردت بنتك بالحلال وهي تريدني ،تغدرني هالغدرة لييش !!!

كام عمي واثق ابو محمود راد يهجم عليه
وطبو ولده من برة يتراكضون على صوتي العالي

واثق: ولك كواااا... تصيح بوجهييي !!! بس ما اعتب عليك هي هاي ترباة النسوان هيج تصير

وارث: طفرت عليه اريد اجره من دشداشته لزمني محمد
واني اصيح
تاج راسك وراس عشيرتك هاي الربتني
ولكم انتو سوايتكم حتى الكواويد ما تسويهاااا

محمود : ولللللك عليمن تتجاوز ابن الكللللب

التمو على وارث لزموو وهو يصرخ موجه كلامه لمحمود
جنة الي ،هسسسه تطلكها ،سمعه محمود انجن

محمود: لتجيييب طاريها على لسانك لا اكصه فهمت ،كمل كلامه وضرب وارث بوجهه وهم متقاوين عليه لازمي من ايده ومحمود يضرب بي بوكسات بوجهه

وارث: اتقاوو عليه الانذال ،رجالهم يوكفلي وحده بس مابيهم واحد رجال اصلاً

اجه عمي الصغير من جوة شافهم لازميني ويضربون بيه ،جر محمود ودفعه عني وصرخ بالبقية وخروا عني وصاح بنص الصالة

مناف: شنووو السالفة !!! سباع انتو عود !!

واثق: خل يولللي التربيية سزز جاي يتجاوز على عمامه ومسوي نفسه رجال براسنا

وارث: رجال غصباً عن شاربك وارجل واحد بيكم يا عارات الزلم

محمود: شوووف عمي شوف الغلط مالته خليني اخلص عليه هسه هنا ،بالله العظيم هسه اصلي صلي بالسلاح وما يرفلي جفن

مناف:صرخ بصوت عالي ،،محمممود صوتك ما اسمعه
وارث تسكت وتخليني افتهم السالفة لو شنو