اولاد الحكم

البارت ٢٦

#اولاد_الحكم
للكاتبة روشان (مروج الشمري)

البارت ٢٦

بدر: ميحتاج ،هو عصب واحد وشريان مهم انكطع وينكطع وياه كل عمرهم
اريدهم كلما يشوفوه يتذكرون هاليوم والمه، خليهم يعيشون العمر كله على امل استخدامه بيوم من الايام وما يطولون هاليوم

بتار : فتحت باب البيت وطلعت فتحت السيارة ورجعت ،بدر بعده واكف فوك راسهم صافن وهم مخدرين ،دنكت حتى اشيل حميد

باوعت لبدر ...يلا ايدك ويايه

دنك حتى يلزمه من ايده واني شلت رجله ،صفن بدر على ذراع حميد عبالك اتذكر شغلة

رجع شمره بالكاع وراح للجنطة مالته طلع المشرط ورجع بسرعة

صحت ...شحسووي ؟!!!

بدر : الاثار الي طبعوها بجلدها ...راح يلكوها اعمق بجلدهم العفن

بتار: شطب جسمهم من كل مكان بالموس ،ملابسهم انترست بقع دم بمناطق الزند الفخذ الظهر وحتى البطن والصدر

كمل منهم وايده ترجف ،لوهلة من الزمن حسيته متوتر لو ندمان عالسواه بيهم لحد ما شمر المشرط من ايده ورجع ليورى كعد عالقنفة الخشبية ودنك راسه بين كفوف ايده وحجى بصوت مليان رجفة

بدر : گلبي مجاي يبرد ... شسوي بعد شسوي واطفي النار البية

بتار: ترى ما بقى بيهم شي صاحي ،كول يا الله
رفع راسه باوعلي وجاوب

بدر : يا اللللله ويا الله والف يا الله بس ما جاي ابرد
انت كلتها مابقى بجسمهم شي صاحي وراح يكعدون وهم يصارخون من الالم بكل مكان بجسمهم

بس هي روحها توجعها،شلون اطيب روحها گلي؟

بتار: ربك كفيل يطيب كل روح مجروحة وخاصة اذا انوخذ حقها ،وانت اخذت حقها بيدك هالشي راح يسهل عليها الشفاء هواية

اخذ الحجي من واحد عايش تجربة ويا روحه المجروحة من سنين طويلة
عايش على امل اخذ حقي واطيب جرح گلبي الي اخذ عمري كله

اخذها مني اني اكلك ماكو شي يريح الگلب والروح بس الثار والانتقام ،والي سويناه هو اكبر انتقام ممكن يشوفوه بكل حياتهم

هز راسه مقتنع نوعاً ما بكلامي،،كملت حجي

يلا كوم هسه خل نخلص من هالزبايل عاد مو لعبت نفسي منهم

بدر : يلا ..

شلناهم واحد واحد خليناهم بالسيارة ،ورجعنا نظفنا البيت عالسريع وغسلنا الدم الجان بالكاع ،وقفل بتار البيت وطلعنا
اخذناهم خارج المنطقة لمكان فارغ شمرناهم ورجعنا للبيت ...اني جاي اسوق ،بتار طلع موبايله يتصل

بتار: هلو وارث شلونك
اريد منك خدمة ،،البيت الي عافته سلا
محتاجيه كلش هالفترة ،اريدك تجهزه اليوم اذا تكدر لان احتمال بالليل واصلين احنا