اولاد الحكم

تكملة البارت ٤١

#اولاد_الحكم
للكاتبة روشان (مروج الشمري)

صباح الخير ورداتي ، اعذروني مكدرت اكتب بارت كامل لان ما اكدر اسهر يومين متتاليين اكتب بيهن هالشي كلش اتعبني ، بس بنفس الوقت ماكدرت اخلي بنفسكم وبناء على طلبكم نزلت الكم تكملة للبارت السابق .... احبكم 🖤

اتفاعلوا بقوة حتى دائماً ادللكم هيج🖤😍

تكملة البارت ٤١ 

ضَيعتني
بكيفّك ورديت تآلي
تريد تلگاني
وحِزن روحَي تلمّه ؟
غَربتني
وچفن مارَف لك يَخايب
لا رچف گلبك واگول شويه همّه
غَيرتني
وبهَت كُل لون بخضاريّ
وآه ياذاك الربِيع الضاع حِلمه
.
.
مريم : عفته وكعدت على جهة الصالة مال شقة بيها تخم بسيط وتلفزيون وطبلة
جبيرة بنص الصالة
كعدت عالقنفة ودنكت راسي بين كفوف ايدي دمعتي نزلت من التوتر والقهر ، مسحتها بسرعة حتى متبين ،، اتمشى هو كعد كبالي

وحجى برجفة وعصبية

بشير : اذا تردين اعوفج على هواج وشتردين تسوين سوي وما افك حلكي بأي كلمة ،فكضي اليوم ويايه هنا ،على فراشي وبنص حضني ...

وراها انتي حرة طليقة، اطلكج وروحي سوي الي تردي تردين ترجعيله تردين تطبين وتطلعين وياه متخصيني بعد شسوين سوي ....

مريم : حسيت بطلقة اخترقت صدري واني اسمعه. عيوني اتصلبت وهي تباوعله ، للحظة حسيت ببشاعة هاي الدنيا وبمواقفها الحقيرة وين وصلتنا ؟!!

حجايته وكفت على اعتاب اذني وبقت تتردد ما مرت ابد ، بس مرت بگلبي مثل الطلقة زرفته وچوته بقوة

واني صافنه بوجهه مصدومه لا حركت جفن ولا ملامحي اهتزت ، اوجاعي وصدمتي كلها بگلبي صارت ، رجع حجى وهو كاعد عالقنفة المقابيلي .. وكال بصوت يرجف بعصبية محاول يستفزني

بشير : اشوفج سكتي !! شنو جاي تفكرين بالموضوع عجبج مو؟!

مريم : غمضت عيني بقوة احاول الزم اعصابي
ورجعت فتحت لكيته يترقب ملامحي
حجيت بهدوء معاكس لفوران اعصابي حرگة دمي

يعني اذا سويت الي تريده راح تعوفني بحالي اكيد ؟! كون كلامك يطلع صح مو بعدين تبقى مسمم عيشتي

فتح عيونه بغضب ولزم قبضة ايده بكف ايده الثانية بكل قوته حتى دمارات  ايده برزت
رفع راسه باوع للسقف اتنفس بعمق محاول يسيطر على غضبه لحد ما اتمالك اعصابع ورجع باوعلي وحجى

بشير : لا اخذيها مني وعد وكلام رجال بعد ما تنطيني الاريده راح تتحررين من اخر سلطة الي عليج وللابد

مريم : هزيت راسي بالموافقة واني ارجف بعصبية ،، وكفت واقتربت للطبلة الفاصلة بينا اني وبشير كبالي عالطبلة اكو مزهرية جبيرة ، اتقدمت بكل سرعتي شلتها وشمرتها بحرگة گلب على بشير بنفس اللحظة رفع ايده يحمي بيها راسه ،واجت المزهرية بذراعة اتفلشت