طبعاً ما جنت احب انزل ملاحظات هنا بهالقصة وكل اخباري جاي تتواجد على حسابي الانستغرام والفيس بوك والمتابعات مناك يعرفون في حال عندي ظرف او اي تأخير لان انطيهم سبب تأخري عليكم هناك
بس بعض التعليقات هنا جبرتني انزل هالملاحظة لان احتمال ماعدكم فيس وانستا واتمنى اذا عدكم تتابعون حساباتي حتى تعرفون منها
على العموم رجائي منكم للبعض يبطلون التعليقات المؤذية بحقي اني يمكن اقوى تأخير متأخرته عليكم هو ٤ ايام من بدت الرواية لحد اليوم ،فمال تجي وحدة تكول فقدنا الشغف ومتهمنا القصة بعد و وحدة تكول الكاتبة ماعدها كلمة ومو ملتزمة ...الخ اني مراح اجاوب على كلامهم بس اكللهم اذا تلاحظون القصة راح توصل لل٦٠ بارت ولحد الان بالزايد صارلها ٤ اشهر من بدت
اكو قصص كاتباتها تبقى وياكم فوك السنة وهي مو بذاك الطول معنى هذا ان اني ما مقصرة وياكم ابد
بس مشكلتي الوحيدة هو الظروف الي تعاكسني كلما انطيكم موعد تطلعلي سالفة صفح وماعرف شنو السر بالموضوع البارحة كلت الكم راح اكتب الكم بارت وبديت اكتب بي بس شوفو هالصورة وتعرفون وضع ابني وشنو مر بي البارحة فيعني اكيد القصة مو اهم من ابني وحرگة گلبي عليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فمنا وجاي نهائياً بعد ما انطي اي موعد واتمنى محد يسألني عن موعد البارت بالخاص ...اني اكتب وانزل الكم بدون موعد حتى ما اتفاشل وياكم
والبارت بس يكمل انزله .... اتمنى من البعض مراعاة نفسيتي بالتعليقات لان اني لحد الان لا احب استعمل حضر ولا حتى بيوم اخلاقي تسمحلي ارد بنفس اسلوب التهجم الي عند البعض فأتمنى منكم التأني ومراجعة الكلام قبل لا تكتبوه لأي احد لان بصراحة احنا ككاتبات ناخذ الطاقة للكتابة والراحة النفسية من كلماتكم الحلوة
