اولاد الحكم

البارت ٣٣

#اولاد_الحكم
للكاتبة روشان ( مروج الشمري )

بارت لطيف لعيونكم
لاتنسون النجمة وتعليقاتكم الحلوة تسعدني

البارت ٣٣

سلا : وكعت بيد غفران مادري شصار بيه فقدت كل توازني رغم اني واعية ،كل جسمي يرجف وكمت اصب عرك ،شالتني هي وايمان طببوني للبيت

صورة وارث والحروق الي بجسمه مجاي تروح من عيني ،گلبي اتلوى عليه هسه شكالت روحه من الالم ،ادري بي يكتم كدامنا بس حيل متأذي ،

كعدوني البنات عالقنفة ،خالة سنية كعدت كبالي والخوف مبين عليها
منا وارث ووضعه ومنا اني وكعت عليهم
وكلساع تكول للبنات

سنية: شبيها ليش هيج غدت ،وجها راح لونه

فلة: حقها خالة من الهبطة هو احنا كلنا دمنا نشف ،وخطية متحملت تشوف وارث بهالمنظر ماتت خوف عليه وهي عدها سكر

سنية: عمت عيني عليك يمه وين جانتلك ،حيل اتأذى سودة بوجهي

فلة: ان شاء الله حروقه تكون بسيطة ميستاهل والله ،انداريت على سلا

كاعدة مرتچية عالقنفة ،وجها اصفر والدموع تارسة عيونها، اقتربت منها بخوف ... شنو تحسين سلا ؟

سلا: دايخه كلش وحيلي راح

فلة: دخل بشير للصالة اتلكته خالة

سنية: ها يمة شصار ،طفت النار بعد؟

بشير : جاي يطفون بيها ،البيت كله ماخذ بس همزين لحكو يطفون الجانب مال بيت مناف والا جان الطابق الجوة هم اخذ حصته من النار

سنية: شلون عفتهم وحدهم ميصير بس نسوان

بشير : اجوي مناف وحكمت بعد مالها داعي وكفتي

سنية: اي خوش لعد ، بس خوما متأذيات البنات ؟

بشير : جنة وابنها الصغير بس هيج حروق خفيفة متخوف ،،خل اخابر وارث اشوف شسوو

سلا: دك على وارث سمعنا صوت تلفونه بالصالة مشمور مماخذه وياه ، لملمت حيلي شوية ،بلعت ريكي الي نشف بقوة ووجهت كلامي لبشير

بشير حروق وارث خوما خطرة ؟

بشير : لتخافين ماعليه شي هسه بصلخوله الجلد بالمستشفى ويعالجوه ويرجع احسن ،

سلا : يااايمة گلبي راح من كال يصلخوه
رجفت شفتي بشكل لا ارادي وبين الخوف على وجهي ودموعي تارسة وجهي

بشير : يمعودة شبيج وجهج نشف ،صدك جذب كولي يا الله لو انتي محروكة بمكانة متسوين هيج ..

فلة: غير اتخربطت علينا قبل لتجي ،

سلا: ايمان جابت كلينكس خلته بيدي ،ياوعتلها اشرت على وجها

ايمان : امسحي وجهج