اولاد الحكم

البارت ٣٦

#اولاد_الحكم
للكاتبة روشان (مروج الشمري)

صباح الخير والعافية ورداتي
اعذروا اخطائي الاملائية لان كتبت البارت الفجر وعدكم الحساب😅

لا تنسون النجمة وكثرولنا تفاعل وتعليقات  حلوة مثل وجهكم 🖤
قراءة ممتعة

البارت ٣٦

سلا : رديت بضحكة ... اكو اكو. ... انيييي

عض شفته بعصبية وتحلف ،عينة صارت على امه وحجى

وارث: عمتي وبناتها بالصالة ، هسه اذا يسألون منو هلهل شنكول الهم

ردت بضحة
سنية: شنكول غير عروستنا ليش اكو غيرها هنا يهلهل

وارث:لاااا ماكو هيج حجي ،يمة كولي اني هلهلت لخاطر الله لنروح نتخزى

نزلت عينها بحركة مستفزة وكالت
سنية: لا كلهم يعرفون اني ناذرة ما اهلهل
وهاي مرت اخوك امر مني الضحكة بالكوة تطلعها انوب تهلهل ؟!!

بشير : لتحاول لتحاول السالفة ما تتلزك

سلا: رجع باوع عليه بعصبية واني ضامة ضحكتي بالكوة،، رفع حاجبه واشرلي براسه وهمس بدون محد يسمعة

وارث: امشي صعدي حسابي وياج فوك مو هنا

سلا: اووي عفية شكد نحس!! شسويت قابل

ردت خالة سنية من سمعتني

سنية: شبيك ماما حتطلع الفرحة من خشمها ،شمسوية البنية غير من فرحتها باخوك قابل اجرمت هي هلهولة

وارث:عمي اني مو عالهلهولة ، اني على وكتها
هسه عمتي وبناتها يحجون عليها وتطش السالفة يم الكرايب والله مرت وارث عروس وهلهلت بمصباح عرسها

سنية: لا معليك عمتك ماعدها هالسوالف مال قال وقلت ، بس انت كول يا الله وبطل اعصاب
بعدك عريس مو زين عليك

بشير صافن عليهم بأستغراب لحد ما كملو حجي كال
بشير : بربك بدينك !! هاي النحاسية كلها علمود هلهولة ؟ الله يساعد البنية عليك، شنو ماخذها تكمطها كماط لا صوت لا نفس الله يساعدج سلا

وارث: عود باجر عكبة من تتزوج خلي الناس تحجي على مرتك عادي ولا تتنحس ابد

بشير : خل يحجون عمي قابل حتنقص كيلو ،اني اخليها براحتها شتسوي خل تسوي ما احب اخنكها
اني رجال اوبن مايند (ذو عقل متفتح)

فلة: نظرات وارث البشير من جاي يحجي مال واحد يريد يفترسه ،من كمل جملته رفع وارث اصابعة لراسه سواله حرگة الگرون وكال

وارث: غلطان بالمسطلج اخاف قصدك رجال لونك هورنس(ذو قرون طويلة)

فلة: اني وسلا وبدر واحد يباوع للخ وميتين ضحك
خالة سنية متدري شكو ماكو
باوعتلنا وصاحت