💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 23
"ဘယ်လဲ ဒါက "
"ဖေဖေထွဋ်အိမ် "
သူမလက်ကိုကြည့်လိုက်တော့ ဖိတ်စာကိုင်ထားလေသည်...
"အန်ကယ်ထွဋ်တို့ကို ငါဖိတ်မယ်လို့ပြောထားတယ်လေ ဘာလို့အမိကသွားမှာလဲ "
"သွားလည်ရင်း တစ်ခါတည်း ဖိတ်ခဲ့မလို့လေ မရောက်တာလည်းကြာနေပြီဟာကို "
"ဖိတ်တာက ငါ ဖိတ်တာပိုမကောင်းဘူးလား "
"အတူတူပဲဟာကို "
"ကဲပါ သားလည်း အလုပ်ပိတ်တယ်ဆိုတော့ ညီမလေးနဲ့ အတူတူသားပါ လိုက်သွား ပြီးရင်တစ်ခါတည်း ခေါ်ခဲ့ ဟုတ်ပြီလား "
မေမေကတော့ ထိုအိမ်သွားရင် စိတ်မချသူပီပီ သူ့ကိုပါလိုက်သွားခိုင်းနေလေသည်....
မေမေကိုကြည့်လိုက်တော့ လိုက်သွားစေချင်သည့်ပုံမျက်နှာရိပ်ကဲလုပ်ပြနေတာကြောင့် ကားသော့ကောက်ကိုင်လိုက်လေသည်...
"သားရေ ဖိတ်စာ ပိုယူသွား သမီးထူးတို့အိမ်နဲ့ မြခက်လေးတို့အိမ်ပါ ဖိတ်ခဲ့ မေမေ မသွားအားလို့ "
"ဟုတ်ကဲ့ မေမေ "
သူ့အနေနဲ့ကတော့ ဆက်ဆက်က ရွှေဂုံတိုင်အိမ်ကိုအလည်သွားတာလောက်ထိတော့ မပိတ်ပင်ချင်ပါ...
မယုံရအောင်လည်း ရဲရန်တို့သားအဖရဲ့သိက္ခာကိုယုံကြည်ပါသည်...
တကယ့်သွေးသားရင်းလိုစောင့်ရှောက်ပြီးချစ်ပေးခဲ့တာ တစ်နှစ် နှစ်နှစ်မှ မဟုတ်တာ ...
ရဲရန်ကိုယ်တိုင်ကလည်း ဆက်ဆက်ကို ညီမလေးတစ်ယောက်လို ကာကွယ်စောင့်ရှောက်ပြီးချစ်ပေးနေတာ သူ့အမြင်ပဲလေ .....
အရင်ဆုံးမြခက်တို့ဝင်ဖိတ်ကာ ဗဟန်း၂လမ်းမှာနေတဲ့ အန်တီမူမူတို့အိမ်ကို ဒုတိယအနေနဲ့ဝင်ဖို့ဦးတည်လိုက်သည်....
"လာလေ ဆက်ဆက် "
ကိုကိုက သူနဲ့ မထူးဝင့်ထည်ကို မေမေက ပေးစားမှာသိတာလားမသိဘူးလား....
ပုံစံကြည့်ရတာတော့ မသိသေးဟန်...
တကယ်လို့ သူယူရမယ့်မိန်းကလေးက
မထူးဝင့်ထည့်ဆိုတာ ကိုကိုသိခဲ့ရင် ဟိုညကလို ငြင်းဦးမှာလား...
ဆရာဝန်ချောချောလေးဖြစ်ကာ မေမေပြောသလိုဆို သူတို့နှစ်ယောက်က နေနဲ့လ ရွှေနဲ့မြလို ရှေ့သွားနောက်လိုက်ညီပါသည်...
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
