💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 58
မဟာမင်းခေတ်နိုးတာနဲ့ ဘေးကိုကြည့်လိုက်တော့ လွတ်နေတဲ့နေရာလေးကြောင့် သူ့မျက်လုံးကို အားယူဖွင့်လိုက်ရသည်...
ဘေးမှာကတော့ သားဘာဘာလေးက ပါးစပ်လေးဟကာ အိပ်လို့ကောင်းတုန်း....
"သဲကလည်း အေးဆေးမှထပါဆိုကွာ "
မျက်နှာမြန်မြန်သစ်သွားတိုက်ကာ အောက်ထပ်ကိုဆင်းလာတော့ မီးဖိုခန်းထဲ မေမေနှင့်မခိုင်သာရှိလေသည်...
"မေမေ ဆက်ဆက်ရော "
"ခြံထဲဆင်းသွားတယ်နဲ့တူတယ်သားရေ "
မနေ့က မေမေတို့အိမ်လာလည်ရင်း ဖေဖေနဲ့ဘာဘာဆော့ကြရင်း ဘာဘာကအိပ်ပျော်သွားတော့ ဒီတစ်ညအိပ်သွားဟုပြောတာကြောင့် ညအိပ်ဖြစ်သွားကြသည်...
ခြံထဲဆင်းရှာနေလည်း မတွေ့တာကြောင့် သူနဲ့ဆက်ဆက်ရဲ့ ကမ္ဘာငယ်လေးဆီရောက်နေလားဟုထင်ကာ သွားကြည့်တော့ ဟုတ်နေလေသည်...
ကြက်မွှေးတစ်ချောင်းဖြင့် သန့်ရှင်းရေးလုပ်နေပုံရလေသည်....
"သဲ....အိပ်ရေး ဝဝ အိပ်ပါဆို အစောကြီး ဘာထလုပ်တာလဲကွာ "
"ဟင် ကိုကိုလည်း စောထလာပြီးတော့ "
"သဲမှ ဘေးနားမရှိတော့တာ "
"ဒီအိမ်ရောက်တုန်းလေး သန့်ရှင်းရေးလုပ်ချင်လို့ပါ ကိုကိုရဲ့ "
"မပေါ့မပါးကြီးနဲ့ကိုကွာ "
"သုံးလဗိုက်ပါ ကိုကိုရယ် "
"မနေ့ကထိ အန်နေတာကိုကွာ "
"ဒီမနက်လည်း အန်တယ် ဆေးသောက်လိုက်တော့ ပြန်လန်းသွားပါပြီ ကိုကိုရဲ့ "
ဆက်ဆက်ကပြောနေရင်း ကြက်မွှေးလေးနဲ့ နံရံထက်က သူတို့နှစ်ယောက် ငယ်ငယ်ကပုံလေးတွေကို သုတ်နေလေသည်...
အနောက်ကနေသိုင်းပြီးပွေ့လိုက်ကာ ချီမြှောက်လိုက်တော့...
"ကိုကိုး "
"ငြိမ်တော့ကွာ "
သူကအရင်ထိုင်ချလိုက်ကာ သူမလေးကို ပေါင်ပေါ်တင်ထားပြီး ခါးလေးကနေ ပွေ့ဖက်ထားလိုက်သည်...
ကုပ်ပိုးလေးကနေ နမ်းရှိုက်လိုက်ကာ ပါးပြင်အိအိကို ဖွဖွလေးကိုက်တော့ မျက်နှာသစ်ဆပ်ပြာရနံ့သင်းသင်းလေးနဲ့ သွားတိုက်ဆေးအနံ့လေးက မွှေးနေလေသည်....
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
