💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 26
"မြတ် "
"ပြောလေ ကိုကျော် "
"သားနဲ့ မူမူသမီးကိစ္စက အတည်လား "
"ကိုကျော်ရယ် ဒါကလေးကစားစရာမှမဟုတ်တာ အတည်မဟုတ်ဘဲ မြတ်က တစ်ဖက်ကိုနားဖောက်မလားရှင့် "
"မူမူကိုပြောလိုက်ပြီလား "
"အင်းလေ ဟိုလိုဒီလိုတော့ပြောထားတာပေါ့ ဘာဖြစ်လို့လဲ ကိုကျော်က သဘောမကျဘူးလား "
"မဟုတ်ဘူးလေ သားက စိတ်မပါဘူးလားလို့ "
"ဒီကောင်လေး အလုပ်မက်နေတာ ကိုကျော်အသိပဲ ကျွန်မသာ မတွန်းပို့ရင် ထူးလာမှာမဟုတ်ဘူး ... ဘာကောင်လေးမှန်းကိုမသိဘူး... ရည်းစားကလည်းကျောင်းတုန်းကတော့ရှိပါရဲ့ အလုပ်ထဲဝင်တည်းက ကောင်မလေးထားသံလည်းမကြား အလုပ်မှအလုပ်ဖြစ်နေတာ ကြာရင် လူပျိုကြီးစာရင်းဝင်သွားမယ် "
"ယောက်ျားလေးပဲကွာ လူပျိုကြီးဖြစ်တော့လည်း ဘာအရေးလဲ အရည်အချင်းသာရှိရင်ကြိုက်တဲ့အချိန်ယူလို့ရတယ် "
"မရပါဘူး မြတ်ကတော့ ချစ်စရာမြေးတွေလိုချင်လှပြီ သမီးကငယ်သေးတယ် သားကိုပဲအစွံထုတ်ရမယ် ....ပြီးတော့ မူမူတို့မိသားစုဆိုတာ အတွင်းသိ အစင်းသိတွေ သမီးထူးလေးဆို လှလည်းလှ တော်လည်းတော် အကျင့်စာရိတ္တဘာမှပြောစရာမရှိဘူး ငယ်ငယ်တည်းက ကိုယ့်မျက်စိရှေ့ကြီးလာတဲ့ကလေး အဖေတွေရော အစ်မတွေရော အစ်ကိုတွေရော ဆရာဝန်မျိုးရိုး ကျွန်မသားနဲ့အလိုက်ဖက်ဆုံးက ထူးလေးပဲရှိတယ် "
"ရော့ ရေ "
ဦးကျော်ခေတ်က စားပွဲက ရေဘူးကိုလှမ်းပေးလေသည်..
"ဘာတုံး "
"မင်းမောနေသလားလို့ "
"ဘာ....ကိုကျော် ...ရှင်နော် "
"မဟုတ်ပါဘူး မမောမပန်း မင်းပဲစကားပြောသွားတော့ မောမလားလို့ပါ ..."
"မောစရာလား မမောဘူး ကလေးတွေကို
သံယောဇဥ်တွယ်သွားစေချင်တယ် ရှင့်သားက အေးတိအေးစက် သမီးထူးက ဟိုးငယ်ငယ်တည်းက ကိုမဟာဆိုပြီး ချစ်ရှာတယ် သံယောဇဥ်တွယ်ရှာတယ်...."
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
