💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 54
"ဆက်ဆက်"
"ရှင်"
"လာ သဲ သွားစို့ ကိုကိုတို့ရဲ့ ခိုနားရာအသစ်ကလေးကို သွားကြည့်ကြစို့"
"ကိုကို့ရဲ့တိုက်ခန်းမှာ နေမှာလား"
"နိုးပါ ကြင်စဦး ဇနီးမောင်နှံနေဖို့လေကွာ နေပြီးသားနေရာ ဘယ်နေပါ့မလဲ လုံးဝ လူမနေဖူးသေးတဲ့ တိုက်အသစ် နေရာအသစ် ပတ်ဝန်းကျင်အသစ်ကလေးမှာ နေမှာ"
"ပတ်ဝန်းကျင်အသစ် ဟုတ်လားကိုကို"
"အင်း ဒါပေမယ့် အဲဒီအိမ်နီးချင်းတွေကိုတော့ သဲ သိပြီးသားပါ"
"ဟယ် အဲလိုနေရာ ရှိတယ် ဟုတ်လား လူတွေကိုတော့ ဆက်ဆက်က သိနေတယ် ကိုကို့အိမ်ကိုတော့ မသိဘူး အဲလိုလား"
"အင်း"
သူ့ကို စောင်းငဲ့ကြည့်နေပြီး မျက်မှောင်ကျုံ့ကာ စဉ်းစားသလို လုပ်နေတဲ့ ကောင်မလေးကို မဟာ အသည်းယားစွာဖြင့် နာရွက်ကလေးကို ဆွဲလိမ်လိုက်သည်။တခါတရံ ဆက်ဆက်ဟာ ငယ်ငယ်တုန်းက လို ဟန်ပန်မျိုးလေးတွေ ပေါ်လာတတ်လေသည်။သူနှစ်ခြိုက်စွာ ပြုံးလိုက်မိရင်း .....
"အဟွန်း ဘယ်နေရာ ဖြစ်မလဲ သဲ မှန်းကြည့်"
လက်ညိုးလေးကို ပါးစပ်မှာကိုက်ပြီး အသည်းအသန် စဉ်းစားခန်း ဝင်နေတာလေးကို မြင်လိုက်ရတဲ့အခါမှာတော့ မဟာ မနေနိုင်တော့ဘဲ လက်ကလေးကို ဆွဲကိုင်ပြီး ငုံထားလိုက်မိတော့သည်။
"အာ ကိုကို ဘာလုပ်တာလဲ လွှတ်ပါ"
"မလွှတ်ပါဘူး ဘာလို့ လွှတ်ရမှာလဲ"
"ဘာလို့ သူများလက်ကို လာကိုက်ရတာလဲလို့"
"အသည်းယားလို့"
"သားသား ကြည့်နေတယ်လေ ကိုကိုရယ် လွှတ်ပါ"
"သားရေ ရှေ့ကိုကြည့်"
"..............."
သူ့ပါးပါး ပြောတာကို နားလည်တဲ့ သားသားဟာ မျက်နှာလေးကို ရှေ့တည့်တည့် လှည့်သွားတာမို့ ဆက်ဆက် အသည်းယားကာ ခေါင်းခေါက်ပစ်ချင်လှသည်။
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
