💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 19
ထောက်ကြန့်အလွန် တိဂေဟာက ခွေးတွေကို ကာကွယ်ဆေးထိုးပေးဖို့ ရဲရန်သည် ယနေ့ ဆေးခန်းပိတ်ကာ ထွက်လာခဲ့လိုက်သည်....
အရင်က ဒီလို ပရဟိတအလုပ်မျိုးတွေ သိပ်မလုပ်ခဲ့ပေမယ့် အခု ညီမလေးက သူ့အနားမှာ မရှိတော့တဲ့ နောက်ပိုင်း တောင်ဒဂုံက တိဂေဟာနှင့် ထောက်ကြန့် ဒီနှစ်နေရာတွင် အချိန်ပေးကာ လုပ်အားပေးအဖြစ် ကူဖြစ်နေလေသည်...
"ကိုရဲ "
"ဪ မြခက်ခက်နွယ် "
"ကိုရဲက ဒီမှာ လုပ်အားပေးနေတာလား "
"ဟုတ်တယ်ဗျ "
"ခက် သိတောင် မသိလိုက်ဘူး ကိုရဲက ဘယ်နေ့တွေ လာရတာလဲ "
"ကျွန်တော်က တစ်ပတ်တစ်ရက်ပါပဲ ခက်နွယ် "
"ဟုတ်လား ခက်နွယ်ကတော့ ကြာပြီ ကိုရဲ"
"ဟုတ် "
ကိုရဲရန်ထွဋ်ကို ကြည့်လိုက်ရင် အမြဲတမ်းတည်တည်ကြည်ကြည်လေး ဖြစ်ကာ စကားပြောရင်လည်း အေးအေးဆေးဆေးလေး ဖြစ်တာကြောင့် ခက်နွယ်အင်မတန် သဘောကျရလေသည်....
"ဟိုတစ်ခါ မဟာနဲ့ ဆုံပြီး ကိုရဲ ညီမလေးနဲ့ လေးယောက် Breakfast စားပြီးတည်းက မတွေ့ဖြစ်တော့တာနော် ကိုရဲ "
"ဟုတ်လောက်မယ် "
မြခက်ခက်နွယ်ကသာ စကားတွေ အစပျိုးပြီး ရေပက်မဝင် ပြောနေရပေမယ့် ရဲရန်ထွဋ်ကတော့ တိများ၏ ဆေးမှတ်တမ်း ရေးရင် မေးတာကိုသာ အေးဆေး လုပ်နေလေသည်....
"ကိုရဲ ပြီးပြီလားဟင် "
"ဟုတ် ပြီးတော့မယ်ဗျ ဘာဖြစ်လို့လဲ ခက်နွယ်"
"ဒီနားမှာ ကော်ဖီဆိုင်လေးရှိတယ် ဓနိမိုးလေးနဲ့ အေးနေတာပဲ နှပ်ကော်ဖီ တအားသောက်လို့ ကောင်းတယ် ခက် တိုက်ပါရစေ "
"အာ မဟုတ်တာဗျာ အားနာစရာ "
" ခက် တိုက်ချင်လို့ပါ ကိုရဲရဲ့ အရင်က ဆေးခန်းတစ်ခုထဲမှာ အတူတူ လုပ်ခဲ့ကြတုန်းက ကိုရဲက ခက်နဲ့ခက်သူငယ်ချင်းကို အများကြီး ကူညီခဲ့တယ်လေ "
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
