💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 31
"သားက ဘာကိစ္စနဲ့ မလိုက်တာလဲ "
"မေမေတို့ပဲ သွားလိုက်ပါ "
"တစ်မိသားစုလုံးကို ထမင်းစားဖိတ်ပါတယ်ဆိုတာကို သားက ကျန်ခဲ့လို့ ကောင်းမလား "
"အလုပ်မအားလို့ ကျန်ခဲ့တယ်လို့ ကြည့်ကောင်းအောင် ပြောလိုက်ရင် ရပါတယ် မေမေရယ် "
ဆိုဖာခုံပေါ် ခြေပစ်လက်ပစ်ထိုင်ကာ မေမေ့ကို ဂျီတိုက်နေတဲ့ ကိုကိုရဲ့ပုံစံကြီးက ချစ်စရာကြီးမို့ ဆက်ဆက်သည် မေမေ့နောက်ကွယ်ကနေကြည့်ကာ ပြုံးစိစိ ဖြစ်နေရသည်...မထူးဝင့်ထည်တို့အိမ်က ထမင်းစားဖိတ်တာကို ကိုကိုက မလိုက်ချင်ကြောင်း ငြင်းနေတာကလည်း ဆက်ဆက်ကြောင့် ငြင်းနေတယ်ဆိုတာကို ဆက်ဆက် သိပါသည်...
"ပိတ်ရက်မို့ ဒီနေ့ကို ရွေးဖိတ်တာလေ ..သားနော် စကားပြောရတာ လက်ပေါက်မကပ်နဲ့ "
မဟာမင်းခေတ်သည် ဖခင်ဖြစ်သူဆီ အကူအညီ ရလိုရငြား မော်ကြည့်လိုက်တော့....
"ထမင်းစားရုံ မိသားစုလိုက် ဖိတ်တာလေ သားရယ် မသွားလို့ကလည်း... မကောင်းဘူး "
ဖေဖေကပါ ကိုယ့်ဘက်မပါတာကြောင့် မဟာ စိတ်ပျက်စွာ ဆက်ဆက်ကို ကြည့်လိုက်တော့ လိုက်ခဲ့လိုက်ပါ ကိုကိုရယ် ဟု ခေါင်းညိတ်ပြတာကြောင့် သူ့ဘက်ကသာ စိတ်လျှော့လိုက်ရတော့သည်.....
"ဒေါက်....ဒေါက်...ဒေါက် "
"ဆက်ဆက်ရေ ...ကိုကို အထဲ ဝင်ခဲ့မယ်နော် "
အဝတ်အစား လဲပြီး ခေါင်းဖြီးနေပြီမို့ ....
"ဟုတ် ကိုကို "
မဟာ သူမအခန်းထဲကို ဝင်လာတော့ ဘီးလေးကိုင်ကာ ခေါင်းဖြီးနေလေသည်....
"သွားကြတော့မလို့လား "
"မသွားသေးပါဘူး "
"ခဏစောင့် ခေါင်းဖြီးနေလို့ "
ကိုကိုက ခြေလှမ်းတည်တည်ငြိမ်ငြိမ်ဖြင့် ဆက်ဆက်နားလျှောက်လာကာ လက်ထဲက ဘီးလေးကို ဆွဲယူလိုက်လေသည်....
"ကိုကို "
"ဟိုဘက်လှည့် ကိုကိုဖြီးပေးမယ် "
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
