💦ဤမျက်ရည်စက်လေး....ခရီးဆုံးသည်အထိ💦
__________________________________________
Part _ 33
ညစာထမင်းစားဝိုင်းမှာ မေမေက စကားစလာပြန်လေသည်....
"သား သမီးထူးနဲ့ကိစ္စ မေမေသေချာစကားပြောချင်တယ် "
''ဘာကိုပြောချင်တာလဲ မေမေ "
မဟာမင်းခေတ်သည် ဆက်ဆက်မျက်နှာကို ကြည့်လိုက်ရင်း မေမေကို ပြန်မေးခွန်းထုတ်လေသည်...
ဆက်ဆက်က ထမင်းချည်းသာ ငုံ့စားနေလေသည်...
ဆက်ဆက်လက်ကို စားပွဲအောက်ကနေ မသိမသာဆုပ်ကိုင်လိုက်ရင်း.....
"မေမေဘာကိုပြောချင်လဲ သားသိတယ်မဟုတ်လား ....သမီးထူးက သားအတွက် အသင့်တော်ဆုံး လက်တွဲဖော်ပဲ "
ဆက်ဆက်က သူ့ဆုပ်ကိုင်ထားတဲ့လက်ကို အတင်းရုန်းနေတော့ သူ့အတင်းပြန်ဆွဲကာ ဆုပ်ကိုင်လိုက်ရင်း....
"သား သဘောထားကို မေမေ့ကို အတိအကျပြောပြီးပါပြီ မိန်းမမယူပါဘူးလို့ ....တကယ်လို့ သားက ယူခဲ့မယ်ဆိုရင်တောင် သားချစ်တဲ့လူနဲ့ပဲ လက်တွဲမှာပါ မေမေ ဒါကြောင့် မေမေစိတ်တိုင်းကျ မစီစဉ်ပါနဲ့လား "
"ဒါဆို သားမှာ လက်ထပ်ရမယ့်သူ ရှိသလား "
ဒီလိုဆိုတော့ သူဘာပြန်ဖြေရမလဲမသိ ...ဆက်ဆက်နဲ့လက်ထပ်ချင်တာပါလို့ပြောချင်ပေမယ့် စကားလုံးတွေက လည်ချောင်းဝမှာတင် တစ်ဆို့နေလေသည်....
"မြတ် ....သားကို နားဝင်အောင်ပြောလေ "
"မြတ်လည်း အေးအေးဆေးဆေးပြောနေတာပါ
ကိုကျော် မတော်တရော်တွေနဲ့တွေ့ မိန်းမလည်တွေနဲ့တွေ့မှာစိုးရတယ် သားက အလုပ်မှအလုပ်လေ ကျွန်မသားလေး ကျွန်မကတော့ သင့်တော်သလိုစီမံရမှာပဲ "
မဟာမျက်နှာကြီးတည်တင်းကာမှုန်ကုပ်နေပြီမို့
ဦးကျော်ခေတ်က ဇနီးဖြစ်သူကို ...
"ကလေးတွေ ထမင်းအေးဆေးစားပါစေ မြတ် ....လောဖို့မလိုဘူး ....သားကလည်း မေမေစီမံပေးတာကိုနားလည်ပေး ထူးဝင့်ထည်ကို
လေ့လာကြည့် ဖေဖေမြင်ရသလောက်တော့ ပြစ်ချက်မရှိတဲ့ မိန်းကလေးပါ "
ဖေဖေစကားဆုံးတော့ ဆက်ဆက်က သူကိုင်ထားတဲ့ လက်ကို အားဖြင့်ဖြုတ်ပစ်လိုက်ကာ...
YOU ARE READING
💦ဤမျက်ရည်စက်လေး....ခရီးဆုံးသည်အထိ💦
Romanceကိုယ်က မင်းရဲ့နေမင်းကြီး မဖြစ်ရရင် နေပါစေ ....နေဝင်စားတဲ့လတော့ မဖြစ်ချင်ဘူးကွာ.... ကိုယ့်အလင်းရောင်နဲ့ မင်းရဲ့အကြည့်လေး ခလုတ်တိုက်မိရင်ကို ကျေနပ်ပါပြီ....... Start date _Oct 29 2024 End date _
