Twinning In Love

#selemet

Magaling nga ang PMU lalo na si Tanner kaya nahihirapan silang makalamang.
Dikit ang laban, pagod na silang lahat.
Pero si Dale ay tila walang kapaguran. Simula umpisa ng game ay nakangiti ito na tila ba hindi marunong mapagod.
Panay rin ang pagcheer nito sa mga kasamahan.
Daig pa ata nito ang kakambal nyang si Laura sa galing magpalakas ng loob.
Hindi na rin tuloy maiwasan ni Edward ang mapangiti sa tuwing makikitang nakangiti si Dale.
Pakiramdam nya'y nabubuhayan sya ng loob sa tuwing makikita ito.
"Here!" sabay abot nito ng tubig kay Dale.
Pasimple syang lumapit sa tabi ni Dale para iabot ang tubig.
Nagulat naman si Dale sa ginawa ni Edward pero inabot na rin nya ang tubig.
"Selemet!" ang pabebe nyang sabi.
"What did you say?" ang tanong ni Edward na nakikinig sa instructions ng coach nila.
"Sabi ko salamat bro!"
"Ah okay! No problem!"
"Muntik ka na dun Dale! Ang kire mo kasi! Magconcentrate ka nga sa game!" ang pagalit nya sa sarili sa isip.
"Okay Vince and Edward, we are counting on you two to make this game ours!" ang sabi ng coach sa kanilang dalawa.
"Let's win this one for PBB!" ang sigaw ng coach nila.
Nakapabilog sila at magkakaakbay lahat sabay patong-patong ng mga kanang palad at sabay sabay na itinuro sa taas.
"Let's go team!"