Things You Need To Do When You're A Girl

49

WARNING!

"Yoongs, tatlong araw na simula nung mawala si Yoori, bumangon ka na dyan." 

Nag-aalala na si Jimin kay Yoongi, absent kasi ito ng dalawang araw na, ayaw talaga niyang pumasok simula nung mawala si Yoori, hindi niya alam na magiging ganto kaapektado si Yoongi dahil hindi naman talaga ito madalas magpakita ng emosyon kay Yoori o kahit sa kanya.

Kakauwi lang ni Jimin galing school, nang binaba niya ang gamit niya ay napansin niyang may bote ng beer sa lamesa, napakamot siya sa ulo niya bago siya lumapit kay Yoongi, naupo siya sa kama at tiningnan niya ang mukha ni Yoongi pero hindi niya makita dahil nakatakip ito ng unan.

"Baby..." Malambing na tawag ni Jimin.

Hindi sumagot si Yoongi kaya naman napabuntong hininga si Jimin bago siya mas lumapit dito, "Bangon ka na dyan, baka tumawag ulit mamaya si Yoori, gusto mo bang makita ka niyang ganyan hitsura mo?" Tanong ni Jimin.

Dahan-dahan tinanggal ni Yoongi ang unan sa mukha niya bago siya humarap kay Jimin na halatang nag-aalala sa kanya. "Tatawag ba siya ulit?" Tanong ni Yoongi.

"Siguro, kasi tumawag siya kagabi di ba. Tagal nyo ngang nagvideo call eh." Sabi ni Jimin habang hinahawi niya ang buhok ni Yoongi na nakadikit na sa mukha niya dahil sa pawis, halata rin na umiyak ito at amoy alak siya. 

Bumangon si Yoongi kaya naman pareho na silang nakaupo ni Jimin sa kama, "Kumain ka na ba? May uwi akong pizza." Sabi ni Jimin habang pinupunasan niya ang luha ni Yoongi. 

"Hindi pa." Tipid na sagot ni Yoongi.

"Sige, kunin ko lang yung pizza, hilamos ka muna. I love you." Hinalikan ni Jimin si Yoongi sa labi bago siya tumayo para kunin ang pizza.

"I love you too." Mahinang sagot ni Yoongi pabalik habang nakayuko.

Napahinto si Jimin sa paglalakad nang marinig niya ang sinabi nito, mabilis siyang napalingon kay Yoongi at nakita niya itong hindi nakatingin sa kanya, nakayuko lang ito at pinaglalaruan ang mga daliri niya.

Sanay na kasi si Jimin na hinahalikan si Yoongi at nagsasabi ng i love you pero kahit kaylan hindi siya pinansin nito or sumagot man lang kapag nagsasabi siya ng i love you kaya naman sobra siyang nabigla ngayon.

"A-Anong sabi mo?" 

"I love you too, Park Jimin." Nag-angat ng tingin sa kanya si Yoongi kaya naman mas lalong hindi nakapagsalita si Jimin.

Ramdam nyang namumula ang mukha niya ngayon, at mabilis ang tibok ng puso niya, pareho lang naman silang dalawa ng nararamdaman sa ngayon, pero pakiramdam nga ni Yoongi ay mamatay na siya sa hiya.

"Damn, ngayon mo lang narealize na mahal mo ako?" Agad naglakad si Jimin pabalik kay Yoongi.

"Jimin naman, matagal ko ng sinasabi sa'yo na mahal kita." Inis na sabi ni Yoongi.

"I know, I know." Nakangising sabi ni Jimin bago niya hinalikan ulit sa labi si Yoongi, "Sabihin mo ulit na mahal mo ako." Utos ni Jimin.

"No, hindi ko na uulitin." Giit ni Yoongi.

"Sige na, please." Nagpapacute si Jimin pero hindi tinatablan si Yoongi.

"Ayoko na, hindi ko na nga uulitin." Mas mariin na sabi nito.

"Oo na, oo na. Sungit naman, hmp!" Nagkukunwareng naasar si Jimin kahit hindi mawala ang ngiti sa labi niya, hinalikan niya ulit si Yoongi ng mas matagal to the point na nakahiga na silang dalawa sa kama.