Things You Need To Do When You're A Girl

53

"OMG! Bumalik na si Yoongi?" 

Kanina pa naririnig ni Yoongi ang bulong bulungan ng mga tao, nakausap na niya ang dean at pinayagan siyang i-continue na lang ang hininto niya, pumayag rin ito na humabol na lang siya at ipasa ang mga hindi niya napasa dati, pero kaylangan pa daw niyang makausap ang principal kaya naman pinagdadasal niya na pumayag ito, 

medyo madali lang ang lahat, mabuti na lang at nasabi na pala ni Jimin dati yun sa dean na may posibilidad na bumalik siya.

Lakas talaga ng kapit ng isang yun, mayaman kasi ang pamilya.

"Yo! Dude!" Sigaw ng isang lalaki mula sa kalayuan.

Huminto si Yoongi sa paglalakad at tumingin sa likod niya para hanapin ang nagsalita, nakita niya ang nakangising si Jungkook na tumatakbo papalapit sa kanya, mabilis siyang inakbayan nito kaya naman napakunot ang noo niya.

"Kamusta? Paano ka bumalik sa pagiging lalaki?" Tanong nito.

"Shh, hinaan mo boses mo." Mariin na sabi ni Yoongi bago niya hinila si Jungkook patungo sa restroom ng lalaki, tiningnan muna niya kung may tao sa loob ng mga cubicle bago niya hinarap si Jungkook.

"May tanong ako sa'yo." Panimula ni Yoongi.

"Sige lang." Nag-aabang na sabi ni Jungkook.

"Bakit naniwala ka agad sa akin nung sinabi kong naging babae ako bigla? Alam mo ba yung tungkol sa myth ng soulmate's 18th birthday wish?"

Napakunot ang noo ni Jungkook bago siya tumango, "Oo, may nakapagsabi na sa akin nun, tsaka kaya ako naniwala agad ay dahil wala naman akong masyadong pakialam, boy i don't care." Aniya bago siya naglakad palabas ng restroom, hanggang sa tumigil siya nung nasa tapat na siya ng pintuan at humarap kay Yoongi.

"At bakit nga pala tayo ulit nag-uusap? Di ba blinock mo na ko?" Napatikhim si Jungkook bago siya naglakad palabas ng c.r. 

Napasinghap si Yoongi dahil sa attitude ni Jungkook, naglakad na siya papasok sa classroom at nakita niyang maaga pa siya, pero wala pa ang pinakamaagang pumasok lagi, si President.

Naglakad si Yoongi patungo sa upuan niya, sa upuan ni Yoongi dati, bago siya napatingin sa paligid nang makita niyang pinagtitinginan siya ng mga kaklase nila. Tiningnan niya ng masasama lahat ng kaklase niya kaya naman nag-iwasan silang lahat ng tingin dahil sa takot kay Yoongi.

Pero napansin niyang may isa pang hangal na nakatingin sa kanya, binalingan niya ng masamang tingin si Namjoon pero nakanganga lang ito sa kanya, kahit tiningnan niya ito ng masama ay hindi ito nag-iiwas.

"Namjoon, pwede pakialis yung tingin mo sa akin?" Iritadong tanong ni Yoongi kay Namjoon na hindi pa rin nag-aalis ng tingin, nakanganga pa rin na para bang may iniisip siya na naging dahilan kung bakit mawala siya bigla sa mundo, konti na lang mapapasukan na siya ng lamok sa bibig ay ayaw pa rin niyang itikom.

"Yoongi?" Tanong niya kay Yoongi kaya naman napapikit si Yoongi sa sobrang iritasyon bago siya napahilot sa bridge ng ilong niya.

"Obvious ba?" Sarkastikong tanong ni Yoongi, "Mukha ba kong multo?"

"Yoonji?" Tanong niya ulit kaya naman nainis na talaga si Yoongi.

"Obviou--" Natigilan si Yoongi nang marealize niyang Yoonji ang pangalawang sinabi at hindi Yoongi, tinikom ni Yoongi ang bibig niya at ngumiti ng sarkastikong si Yoongi.

"Min Yoongi, wala na si Yoonji." Giit ni Yoongi bago niya padabog na binagsak ang bag niya sa desk at humarap sa blackboard.

Napansin niyang pumasok si Jin kasunod si Hoseok, nagkatinginan sila ni Jin bago dumiretso si Jin sa upuan niya.