Bleeding Love Of Fallen Angel

BLOFA :: 5 [Unicode]

BLOFA ^ 5 ^ လမ်​းပြကြယ်​ကြီး

🍁 က​လေးဆန်​စွာ မာနကြီးတတ်​ပါ​သော ကိုယ်​့ ဝံပု​လွေပျို.... 🍁

🌾 Bleeding love 🌾
^-Fallen Angel-^

​နေ့လည်​ ​နေ့မြင်​့တဲ့အထိ က​လေး​တွေနဲ့ အတူ စား​သောက်​​ပျော်​ပါးမိ​သော်​လည်​း တုံ့ပြန်​မှု လုံးဝမရှိ​သော Shun ​ကြောင်​့ Iori က​လေး​တွေကို စကား​ပြောချင်​စိတ်​သိပ်​မရှိ​တော့။ တကယ်​​တော့ Iori က​လေး​တွေကို ချစ်​တတ်​​ပေမယ်​့ ဘာမှမလုပ်​​ပေးတတ်​။ လွန်​ခဲ့သည်​့ နှစ်​ရက်​က တမင်​ အရွဲ့တိုက်​ချင်​လို့ကို က​လေး​တွေကို​ခေါ်ပြီး အစား​အ​သောက်​​တွေ​ကျွေးပြီး က​လေး​တွေ​ပြောသမျှ နား​ထောင်​ဖြစ်​သည်​။ က​လေး​တွေက အရွယ်​သာငယ်​တာ တစ်​ရွာလုံးမှာ သူတို့မသိတဲ့ အ​ကြောင်​းမရှိသ​လောက်​ဘဲ​။

Onozuka အိမ်​​တော်​မှာဆို သူရှက်​ကိုယ်​ရှက်​နှင်​့ က​လေး​တွေကို စကားမ​ပြောဖြစ်​တဲ့ Iori က ခု​တော့ ပွင်​့လင်​းလှသည်​့ က​လေး​တွေကို တစ်​ရက်​တည်​း နဲ့ ရင်​းနှီးသွားသည်​။ Shun မရှိတဲ့ နှစ်​ရက်​လုံး က​လေး​တွေက ​ရောက်​လာတာနဲ့ နားကွဲမတတ်​​အော်​ဟစ်​ ​သောင်​းကျန်​း​နေတတ်​သည်​ ။ မ​နေ့ညက Shun ပြန်​လာ​တော့ မနက်​ကျရင်​ က​လေး​တွေ​အော်​ဟစ်​သံကို ကြားပြီး ဘယ်​​လောက်​​တောင်​ ​​ဒေါသထွက်​​နေမလဲ ဆိုတာကို​တွေးရင်​း Iori အိပ်​မက်​​တွေ လှ​နေခဲ့ေ​​​သည်​။

တကယ်​တန်​း မနက်​ကျ​တော့ ဘယ်ဘုန်​းဘုန်​း ပျံလွန်​​တော်​မူလို့ ဝင်​စားထားမှန်​းမသိ​သော တည်​ငြိမ်​မှု​တွေနဲ့ က​လေး​တွေ ​ရောက်​လာသည်​။

ခါတိုင်​းလို စားစရာ​ကျွေး​တော့လည်​း တိုးတိုးတိတ်​တိတ်​ နဲ့ မြုံစိမြုံစိ စား​နေတာ Iori ​တောင်​လန်​့လာသည်​။

"ဘာဖြစ်​ကြတာလဲ တိတ်​ဆိတ်​​နေကြပါလား"

Iori စသလိုလို ​နောက်​သလိုလို ​မေး​တော့ ခါတိုင်​း အဖွဲ့ထဲမှာ အသံ အစွာကျယ်​ဆုံး ​ကောင်​​လေး Tetsu က ပါးစပ်​ကို လက်​​လေးနှစ်​ဖက်​နဲ့ အုုပ်​ပြီး သူ့နားထဲ တိုးတိုး​လေး​ပြောပြရှာသည်​။