BLOFA :: 36
ထိတ်လန့်နေသော Riku ကိုနှစ်သိမ့်ပြီး Iori အပြင်ထွက်လာလိုက်သည်။ အပြင်မှာ မီးဖိုထားပြီး Shun က ငါးကင်နေသည်။ Akashi က သူမသောက်ရတာကြာပြီဖြစ်တဲ့ Shun လက်ရာ အသားစွပ်ပြုတ်ကို အားပါးတရစားနေပြီး Shino က တော့ သူတို့လာခဲ့တဲ့လမ်းရဲ့မြေပုံအကြမ်းကိုဆွဲနေသည်။
" Onozuka San။ Mamuya San အဆင်ပြေရဲ့လား "
" မှန်လှပါ အရှင်မင်းသား။ ဘုန်းတော်ကြောင့် အတော်သက်သာလာပြီဖြစ်ကြောင်းပါ။ "
" ဘယ်သူ့ဘုန်းတော်လဲ ငါလား "
ခပ်ရွဲ့ရွဲ့မေးသောမေးခွန်းကို လျစ်လျူရှုရင်း Iori ထိုင်ချလိုက်သည်။ အရမ်းချမ်းနေလို့လားမသိ။ မီးဖိုဘေးထိုင်တာတောင် ပိုချမ်းလာသလိုဘဲ။ Akashi စွပ်ပြုတ်တစ်ပန်းကန်ခပ်ကာ Iori ကိုပေးလိုက်သည်။ Iori ပြာပြာသလဲ ဦးညွှတ်ကာ ကျေးဇူးတင်စကားဆိုလိုက်သည်။
" ကိုယ်တု့ိကြားမှာ ပကာသနတွေဖယ်ကြရအောင့် Onozuka San ကိုယ် Onozuka ကို Iori လို့ဘဲ ခေါ်မယ်။ Iori လည်း ကိုယ့်ကို Akashi လို့ ရင်းရင်းနှီးနှီးခေါ်။ "
" မသင့်တော်ပါဘူး အရှင်မင်းသား။ "
" ကိုယ် မင်းကို မိတ်ဆွေတစ်ယောက်လို သဘောထားလို့ပါ။ မင်းကိုယ့်ကို မငြင်းသင့်ဘူး "
" မှန်လှပါ အရှင်မင်း... အဲ.. Akashi Kun "
" လိမ္မာတယ် "
ဆိုပြီး Iori ကို ပါးလိမ်ဆွဲလိုက်သော Akashi လက်ကို Iori ချက်ချင်းရိုက်ထုတ်ကာ လက်ကို နောက်လိမ်ကာ ချုပ်ထားလိုက်သည်။ ထင်မှတ်မထားသည့်အရာမို့ Akashi အငိုက်မိသွားသည်။ ဗီဇအရ တုံပြန်ပြီးခါမှ Iori ပြာပြာသလဲ ခါးကျိုးမတတ် တောင်းပန်မိသည်။
" ကျွန်တော် မှားသွားပါတယ် အရှင့်သား။ ကျွန်တော် အကျင့်ပါနေလို့ "
" ရတယ်.... ရတယ်... ဟားဟား ... Iori ကိုယ့်ကို ရင်းနှီးလို့ လုပ်တယ်လို့ဘဲမှတ်လိုက်မယ်။ တော်တော်တော့ နာသား.. ဟားဟား "
Akashi ရယ်ရင်း Shun ကို မသိမသာခိုးကြည့်လိုက်တော့ Shun က သူ့ကို မျက်နှာသေဖြင့်ကြည့်နေသည်။ ပြီးမှ လက်နှစ်ချောင်းထောင်ကာ မျက်နှာသေဖြင့် " ရှက်ကရော " ပုံစံဖြင့် လက်နှစ်ချောင်းကို ကွေးလိုက်ဆန့်လိုက် လုပ်ပြသည်။
YOU ARE READING
Bleeding Love Of Fallen Angel
Historical Fiction🍃 စစ္ေျမျပင္ေပၚက မ်က္ေတာင္မခတ္တမ္း လူသတ္ႏိုင္တဲ့ ဆာမူ႐ိုင္း တစ္ေယာက္ရဲ႕.. ႏွလံုးသားပလႅင္ကို သိမ္းပိုက္ႏိုင္ခဲ့တဲ့သူဟာ ခ်ယ္ရီ ပန္းလို ႏူးညံသိမ္ေမြ႔တဲ့ မိနိးမပ်ိဳမဟုတ္ဘဲ သူနဲ႔ထပ္တူ ေသြးေအးရက္စက္တဲ့ ေယာက်ာ္းတစ္ေယာက္ျဖစ္ေနတဲ့အခါ...🍃 🍃 စစ်မြေပြင်ပေါ်က...
