မျက်လုံးတစ်ဖက်ညိုမည်းဖူးရောင်နေသော Shun ကို တလှည့်၊ အဝတ်အစားလဲဖို့ Iori ဝင်သွားတဲ့ အတွင်းခန်းထဲကို တလှည့်ကြည့်ပြီး Sakura ကြိတ်ရယ်နေမိသည်။
" Shun Nii ဝက်ဝံနဲ့ နှပမ်းသတ်လာတာလား "
" မဟုတ်ဘူး။ စိတ်ကောက်နေတဲ့ အိမ်ရှင်မနဲ့ တိုးလာတာ။ "
"နည်းတောင်နည်းသေးတယ်။ "
ပြောသာပြောရတာ။ Shun မျက်လုံးတစ်ဖက်ပိတ်သွားသည်အထိ လုပ်ခဲ့တဲ့သူဟာ သူမနေ့က အရမ်းသိမ်မွေ့တဲ့မိန်းကလေး လို့ကောက်ချက်ချထားတဲ့ Iori ဆိုတာ သူမယုံနိုင်သေးပါ။
မနေ့က Shun ဆီက ပြန်လာလို့ သူမအဆောင်ဘက်ကိုတောင်ပြန်မရောက်သေးဘဲ Shun သူ့ဆီကိုပေါက်ချလာသည်။
" သွားစရာရှိတယ်။ သူ့ကို အဖော်လုပ်ပေးထား "
" အစ်ကိုတော်ပြောတော့ သူနဲ့အပြင်- "
သူ့စကားကိုပင် နားမထောင်ဘဲ အမိန့်ပေးပြီး ထွက်သွားသော သူမအစ်ကိုတော်ရဲ့စကားကို သူမအတိအကျလိုက်နာတာပေါ့။ သူမအစ်ကိုတော် ပထမဦးဆုံးအကြိမ် အကူအညီတောင်းခြင်းမဟုတ်လား။
ချက်ချင်းပင် Iori အဆောင်ဘက်ကို ပြန်သွားလိုက်သည်။ သူရောက်တော့ Iori က Shun ဘာမပြောညာမပြောဘဲ ထွက်သွားသည့်အကြောင်းကို တိုင်တန်းသလို ပြောရှာသည်။
" Shun Nii. က ဒီလိုဘဲ မမရဲ့။ ဘယ်သူ့ကိုမှဂရုမစိုက်ဘဲ သူလုပ်ချင်ရာလုပ်တတ်တာ။ "
" သူက ဒီလိုဘဲဆိုတိုင်း သူလုပ်ချင်သလို လုပ်ခွင့်ပေးလို့ရမလား"
Iori က နီရဲနေသော သူမနှုတ်ခမ်းကိုကိုက်ပြီး မကျေမနပ်ရေရွတ်ခဲ့သည်။
ကိုယ်စိတ်ခုနေတာကို သူများက "သူက ဒီလိုပါဘဲ" လို့ဖာသိဖာသာ နှစ်သိမ့်ရုံနဲ့ လွတ်ပေးလိုက်မည့်သူထဲ Iori မပါ။ စိတ်ကို အတင်း မလျှော့ချလိုက်သလို ခွင့်လွတ်ချင်လည်း ယောင်မဆောင်တတ်တာကို Sakura သိလိုက်သည်။
ဒါပေမယ့် Iori က ို စကားလမ်းကြောင်းလွဲသည့်အနေဖြင့် မိန်းကလေးတွေစိတ်ဝင်စားတတ်သည့်အကြောင်းအရာတွေကို သူမ စပြောမိသည်။ Iori ပုံစံက ငိုတော့မလို ဖြစ်လာသည်။ သို့သော် သူမပြောသမျှကို စိတ်ပါလက်ပါ ပြန်ပြောသည်။ Iori ကို ကြည့်ရင်းကြည့်ရင်း သူမ ခင်မင်လာမိသည်။
သူမပြောတာတွေက တကယ်ကို ပျင်းစရာကောင်းသည့် သူမ အကြောင်းအရာတွေချည်း။ ဒါပေမယ့် Iori က သေသေချာချာ နားထောင်ပေးသည်။ သုံးသပ်ပေးသည်။
YOU ARE READING
Bleeding Love Of Fallen Angel
Historical Fiction🍃 စစ္ေျမျပင္ေပၚက မ်က္ေတာင္မခတ္တမ္း လူသတ္ႏိုင္တဲ့ ဆာမူ႐ိုင္း တစ္ေယာက္ရဲ႕.. ႏွလံုးသားပလႅင္ကို သိမ္းပိုက္ႏိုင္ခဲ့တဲ့သူဟာ ခ်ယ္ရီ ပန္းလို ႏူးညံသိမ္ေမြ႔တဲ့ မိနိးမပ်ိဳမဟုတ္ဘဲ သူနဲ႔ထပ္တူ ေသြးေအးရက္စက္တဲ့ ေယာက်ာ္းတစ္ေယာက္ျဖစ္ေနတဲ့အခါ...🍃 🍃 စစ်မြေပြင်ပေါ်က...
