" မင်း ငါ့ကို စိတ်ဆိုးနေတုန်းလား "
မှိုင်တွေနေသော Iori ကို Shun မေးလိုက်သည်။ Iori ခေါင်းကိုခါလိုက်သည်။
" ငါစိတ်မကောင်းဖြစ်နေတာ။ "
Iori ရဲ့အသံက တိုးတိတ်လွန်းပေမယ့် Shun ကောင်းကောင်းကြားရပါ၏။
" ငါ့အချောအလှမျက်နှာလေးကို စုတ်ပြတ်သတ်အောင်လုပ်မိလို့လား။ အာ့ဆိုစိတ်ထဲမထားပါနဲ့ ။ "
စိတ်မကောင်းဖြစ်သည့်ကြားကပင် Iori ကျွတ်စုတ်လိုက်မိသည်။
" ငါစဉ်းစားနေတာ။ ငါသာ မျက်စိမြင်ရင် အခြေအနေတွေက ပိုများကောင်းမလားလို့ပါ။ "
" ဘာအခြေအနေလဲ Iori "
အခုက သူတို့နှစ်ယောက် အပြင်သွားဖို့ဆိုပြီး Shun က Iori ကို ဆံပင်ဖြီးပေးနေတာ။ Iori အချိန်တွေကို ရပ်တန့်ထားချင်မိသည်။ တကယ်ကို ထူးခြားစွာ တိတ်ဆိတ်နေသော အိမ်ကြီးထဲမှာ သူတို့နှစ်ယောက်တည်းရှိသလိုခံစားရသည်။
" ငါသာမျက်စိမြင်ခဲ့ရင် မင်းမိသားစုရဲ့ပုံစံကို မြင်နိုင်မှာဘဲ။ ပြီးတော့ ဒီရွာရဲ့အလှ။ ပြီးတော့ မင်းးခုလိုထွက်သွားတဲ့အချိန်မျိုးဆို မင်းမိသားစုနဲ့ ပိုရင်းနှီးနေမိမှာ..။ ခုတော့ ငါဒီအိမ်ထဲမှာ မင်းနဲ့ နှစ်ယောက်တည်းရှိနေသလိုဘဲ "
" အဲဒါမကောင်းဘူးလား။ "
" ဟမ်... "
ကြားရသည့်စကားကို မယုံနိုင်စွာ Iori ပြန်မေးမိသည်။
" ရပြီ။ "
ဆံပင်ကို အပြီးသတ်စည်းပေးပြီး Shun ထသွားသည်။
" နတ်ဆေးသမားတော်ရဲ့တပည့်ကိုရှာနေတယ်ဆို"
" ရှာတယ်... Shun..။ နယ်တကာလှည့်ပြီးဆေးကုပေးနေတာ။ ဒါပေမယ့်.. "
Iori ရဲ့အသံက ဇဝေဇဝါ။
" ဒါပေမယ့် ဘာဖြစ်လဲ "
" သူ့ကို တစ်ခါတလေ ငါရှိတဲ့နေရာမှာ တွေ့တယ်တဲ့။ ဒါပေမယ့် သူ့ကို သွားပင့်ရင် သူမရှိတော့ဘူး။ သူ့ကြည့်ရတာ... "
Ioti ပြောရခက်သည့်ဟန်ပန်ဖြင့် နှုတ်ခမ်းကိုက်လိုက်သည်။ Shun ကလည်း စိတ်ရှည်ရှည်စောင့်သည်။
YOU ARE READING
Bleeding Love Of Fallen Angel
Historical Fiction🍃 စစ္ေျမျပင္ေပၚက မ်က္ေတာင္မခတ္တမ္း လူသတ္ႏိုင္တဲ့ ဆာမူ႐ိုင္း တစ္ေယာက္ရဲ႕.. ႏွလံုးသားပလႅင္ကို သိမ္းပိုက္ႏိုင္ခဲ့တဲ့သူဟာ ခ်ယ္ရီ ပန္းလို ႏူးညံသိမ္ေမြ႔တဲ့ မိနိးမပ်ိဳမဟုတ္ဘဲ သူနဲ႔ထပ္တူ ေသြးေအးရက္စက္တဲ့ ေယာက်ာ္းတစ္ေယာက္ျဖစ္ေနတဲ့အခါ...🍃 🍃 စစ်မြေပြင်ပေါ်က...
