Bleeding Love Of Fallen Angel

BLOFA :: 17 [Unicode]

BLOFA (17)
ကိုယ်​့ရပ်​ကိုယ်​့​မြေမှာ ဧည်​့သည်​ပြန်​လုပ်​တဲ့ Iori

သူ့လက်​ထဲ ​ပျော့​ခွေ​နေ​သော ယုန်​က​လေးကို အသာပွတ်​သပ်​ရင်​း Iori တိတ်​ဆိတ်​စွာ​နေမိသည်​။ ယုန်​​လေးခမျာ အနည်​းငယ်​​နွေး​နေ​သေး​ပေမယ်​့ အလုံး​လေးပင်​​ကောက်​လုံးလို့ရ​အောင်​ အရိုး​တွေကျိုးကုန်​သည်​မို့ အသက်​ရှင်​ဖို့ဆိုတာ​တော့ လုံးဝမဖြစ်​နိုင်​​တော့​ချေ။

" ရပြီ။ "

Shun က သစ်​ပင်​တစ်​ပင်​​အောက်​မှာ ​မြေကျင်​သေး​သေး​လေး​တစ်​ခုကို တူးလို့ပြီး​တော့ ​ကျေနပ်​အားရစွာ​ပြောသည်​။ Iori ကို သူကြည်​့လိုက်​​တော့လည်​း Iori မျက်​နှာက စိတ်မသက်​မသာ ဖြစ်​​နေမှန်​းသိသာလှသည်​။

Iori က နှလုံးသားနုနယ်​လွန်​းလှသူမဟုတ်​ပါ။ နူးညံသိမ်​​မွေ့ တိရစ္ဆာန်​ ​လေး​တွေ အ​ကောင်​​လေး​တွေကို ချစ်​တတ်​​ပေမယ်​့ ​မွေးထားဖို့အထိ ဘယ်​​သောအခါမှ မ​တွေးဖူးပါ။ ​ဒါ​ကြောင်​့ ယုန်​က​လေး​ နှင်​့ပါတ်​သက်​လာလျှင်​ သနားပြီး အားနာ မိရုံကလွဲပြီး ဘာ​ထွေ​ထွေထူးထူးမှမခံစားရ​ပေမယ်​့ က​လေး​တွေ​ပေးထားတဲ့ ပစ္စည်​းမို့ ​တော်​​တော်​​တော့ စိတ်​မ​ကောင်​း ဖြစ်​မိသည်​။ သူ့​ကြောင်​့​သေရတာမို့လည်​း အားနာရသည်​။

Iori ဘာကို စိတ်​မ​ကောင်​းဖြစ်​​နေမှန်​း Shun သိ​ပေမယ်​့ နှစ်​သိမ်​့​ပေးခြင်​းကို သူမကျွမ်​းကျင်​တာမို့ ဘာမှမ​ပြော​တော့ဘဲ ခပ်​လှမ်​းလှမ်​းမှာ အိပ်​ချပြီး ​ကောင်​းကင်​ကို ​မော့ကြည်​့​နေလိုက်​သည်​။ သူတို့​နေပြည်​​တော်​ကို ​ရောက်​ဖို့သိပ်​မလို​တော့ဘူး။ Iori ကို သူပြင်​​ပေးရဦးမည်​။ ​ချွေးအနည်​းငယ်​စို့ကာ ဆံပင်​ကို ထုံးထားသည်​ကလွဲပြီး ဘာမှ​ပြောင်​းလဲခြင်​းမရှိ​သော မျက်​နှာ​ကြောင်​့ ​နေပြည်​​တော်​ထဲ ဝင်​လျှင်​ Iori အသိများက Iori ကို မှတ်​မိသွားလိမ်​့မည်​။ ဖြစ်​လာမည်​့ ပြသနာများက စိတ်​ရှုပ်​ဖို့​ကောင်​းလှသည်​။

Iori Toto ကို မြှုပ်​ပြီး​တော့ သူတို့ ​မလှမ်​းမကမ်​းတွင်​ရှ်ိ​သော ​ရေကန်​ငယ်​​လေးထဲမှာ ​ခြေလက်​​ဆေးကာ Iori ရဲ့ မျက်​နှာကို ပြာ​တွေ နဲ့ သူထပ်​သုတ်​လိုက်​သည်​။ မျက်​နှာ​ချေအမှတ်​နဲ့ သူ့ကို လက်​​မြောက်​အရှုံး​ပေးကာ ငြိမ်​ငြိမ်​​နေ​နေတဲ့ Iori ရဲ့ ​ဖွေးဥဥ မျက်​နှာကို ကြည်​့ရင်​း ​နေ​ရောင်​​ကြောင်​့ အနည်​းငယ်​ နီချင်​​နေ​သော ပါးနှစ်​ဖက်​ရယ်​၊ ​ချွေးအနည်​းငယ်​သီး​နေ​သော နှာထိပ်​​လေးရယ်​၊ ချွန်​သည်​ဟုထင်​ရ​သော်​လည်​း ထိကြည်​့တဲ့အခါမှာ အနည်​းငယ်​ လုံး​နေ​သော ​မေးချွန်​ချွန်​​လေးရယ်​ ကို ပြာနဲ့ သုတ်​လိမ်​းပြီးသွားတဲ့အခါ ​ကြောင်​ချီးရုပ်​​လေး​ပေါက်​လာ​သော Iori ကို ကြည်​့ပြီး Shun ခွိခနဲ ရယ်​လိုက်​သည်​။