Blofa :: 45
Fall
ဝံပုလွေပျိုက ကိုယ့်ဘဝ ဝင်္ကပါအားလုံးရဲ့ အဆုံးသတ်။
🍁 Bleeding Love 🍁
^~ Fallen Angel ~^
" Oyabun~ "
အနားကိုတိုးလာတဲ့ Chiku ကို Iori လှည့်ကြည့်လိုက်သည်။ ခေါင်းကိုငုံ့ထားကာ မပွင့့်တပွင့်ခေါ်လိုက်တာမို့ Iori စိုးရိမ်သွားသည်။
" ပြောစရာရှိလို့ "
သူ့ကိုမျက်လုံးလေးတစ်ချက်လှန်ကြည့်ပြီးချက်ချင်းခေါင်းငုံ့သွားသော ကောင်ငယ်လေးမှာ အသံကအနည်းငယ်တုန်ရီနေသည့်အပြင် လက်ကလည်း မြှားတစ်ချောင်းကို ကျစ်ကျစ်ပါအောင်ဆုပ်ကိုင်ထားသည်။
လွန်ခဲ့ဲ့ရက်တွေက သူ Chiku နှင့် Tetsu နှစ်ယောက်လုံးကို လေ့ကျင့်ပေးနေကတည်းက Chiku မူမမှန်တာသူသိသည်။
ဒီနေ့လည်း လေ့ကျင့်နေတဲ့အပေါ်အာရုံမရဘဲ သူ့ကိုသာခိုးခိုးကြည့်နေသော ကောင်ငယ်လေးဟာ ထင်သည့်အတိုင်း သူ့ကိုပြောစရာရှိနေတာဘဲ။
" ကျွန်တော်.... "
ပြောရင်းအသံတွေတိမ်ဝင်သွားသော Chiku ကို Iori အားမလိုအားမရဖြစ်လာသည်။
" ကျွန်တော်.. .......ကျွန်တော် ..."
" Chiku "
" ဗျာ "
Iori ခပ်ဆတ်ဆတ်ခေါ်လိုက်တော့ Chiku တချက်တုန်သွားကာ မပီမသထူးသည်။
" Oyabun ကိုမော့ကြည့် "
Iori နူးညံ့စွာပြောလိုက်တော့ Chiku ကမော့ကြည့်လိုက်သည်။ ကြည်လင်နေသော Iori ရဲ့ မျက်နှာဟာ မပြုံးပေမယ့် နွေးထွေးသိမ်မွေ့လွန်းသည်။ Chiku ခေါင်းပြန်မငုံ့တော့မှ Iori ပြုံးလိုက်ပြီး Chiku ရဲ ပုခုံးနှစ်ဖက်ကိုဆုပ်ကိုင်လိုက်သည်။ သည်ကောင်လေးစိတ်လှုပ်ရှားနေတာဘဲ။
" အဆင်ပြေသွားပြီလား "
"Hai"
" ဟုတ်ပြီ။ ဒါဆိုပြောစရာရှိတာ ပြတ်ပြတ်သားသားပြောတော့။ "
Chiku ခေါင်းတစ်ချက်ငြိမ့်လိုက်ပြီး စိတ်ပိုင်းဖြတ်လိုက်ပုံဖြင့် ပြောလာသည်။
" ကျွန်တော် အိမ်ရှေ့စံရဲ့ ကိုယ်ရံတော်ဖြစ်ချင်တယ်။ "
ထင်မှတ်မထားတဲ့ စကားမို့ Iori ခနတော့တွေသွားသည်။
YOU ARE READING
Bleeding Love Of Fallen Angel
Historical Fiction🍃 စစ္ေျမျပင္ေပၚက မ်က္ေတာင္မခတ္တမ္း လူသတ္ႏိုင္တဲ့ ဆာမူ႐ိုင္း တစ္ေယာက္ရဲ႕.. ႏွလံုးသားပလႅင္ကို သိမ္းပိုက္ႏိုင္ခဲ့တဲ့သူဟာ ခ်ယ္ရီ ပန္းလို ႏူးညံသိမ္ေမြ႔တဲ့ မိနိးမပ်ိဳမဟုတ္ဘဲ သူနဲ႔ထပ္တူ ေသြးေအးရက္စက္တဲ့ ေယာက်ာ္းတစ္ေယာက္ျဖစ္ေနတဲ့အခါ...🍃 🍃 စစ်မြေပြင်ပေါ်က...
