Bleeding Love Of Fallen Angel

BLOFA : : 49 [Unicode]

Blofa : : 49
Assasins[Part -2]

" သစ္စာဖောက်!! "

Akashi အံကြိတ်ပြောသံကြောင့် Asahiရဲ့ အေးစက်စက်မျက်ဝန်းများက သူ့ဘက်ကို ညင်သာစွာရွေ့လျားလာသည်။ နှုတ်ခမ်းထက်မှာ မဲ့ပြုံးတစ်ခုကိုချိတ်ဆွဲလျက် Asahi က ငြင်သာစွာ ဆို၏။

" ကျွန်တော်တို့ သခင်လေးအပေါ်ကလွဲပြီး ဘယ်သူ့အပေါ်မှာမှ သစ္စာမထားခဲ့ဘူးအိမ်ရှေ့စံ။ "

အပြစ်ရှိသလို အနည်းငယ်မျှပင် မခံစားရသော မျက်နှာပေးနှင့် ပြောနေသော Asahi ကို Shino သည်းမခံနိုင်စွာ ဓားကို ချက်ချင်းထုတ်လျက် Asahi ၏ လည်ကို ချိန်ကာ ခုတ်ချလိုက်၏။ Asahi တစ်ချက်ကလေးမှ မျက်တောင်မခတ်သွားသော်လည်း Shino ရဲ့ ဓားက ကာစီးခံလိုက်ရသည်။ ဓားပိုင်ရှင်က မျက်နှာတစ်ဝက်ဖုံးထားသော အနက်ရောင်လင်းယုန်မျက်နှာဖုံးနှင့် Kuro။

Shino သူ့ရဲ့ ဓားချက်တွေကို လင်းယုန်နက်ဆီ ပြောင်းလဲဦးတည်လိုက်သည်။ အညှာအတာကင်းတဲ့ ကျားသစ်ကြီးဆိုတဲ့အမည်နာမဟာ ယခုမှ ထင်ရှားလာသည်။ စစ်မြေပြင်အတွေ့အကြုံကောင်းစွာရှိသော Shino ၏ ဓားချက်တို့သည် သာမာန်လူတွေထက် လျင်မြန်ကာ ဓားချက်တိုင်းက အသားစိုင်ကိုသာမက အရိုးကိုပါယတိပြတ်စေနိုင်လောက်သည်အထိ ဓားသွားအနေအထားကောင်းကောင်းနှင့်အားပါလှ၏။ Akashi သည်ကား သူ့ကိုယ်ရံတော်နှင့်ပါတ်သက်လာလျှင် အစဉ်ဂုဏ်ယူရမြဲ။ သို့သော် Shino၏အလျင်နှင့် ထပ်တူကျစွာ လင်းယုန်နက်က ပြန်လည်ခုခံနိုင်သည်။ Shino ရဲ့ ဓားတစ်ချက်တွေကို ရှောင်နိုင်ရုံမက ဘတစ်ပြန်ကျားတစ်ပြန် ပြန်လည်ထိုးစစ်ဆင်နိုင်သူကို ပထမဦးဆုံးအကြိမ် Akashi တွေ့ဖူးခြင်း။

Shino ကိုကြည့်နေရင်းမှပင် သူ့ကို လျက်တပြက်ဝင်တိုက်တဲ့ Rai ရဲ့ ဓားချက်ကို Akshi လွှဲရှောင်လိုက်သည်။ တိုက်ခိုက်ရန်အချက်ပြလိုက်သည့်အလား..။ ကျန်တဲ့သူတွေကလည်း Shizuka ကို ဖက်ထားရာမှ ဓားကို ကိုင်ကာ အပေါ်ပိုင်းဗလာဖြင့်ပင် မတ်တပ်ရပ်လာသော Iori က်ု ဝင်တိုက်ကြသည်။

Akashi တစ်ယောက် Asahi ကို အသားစီးရသည့်အနေအထားနှင့်တိုက်နေရာမှ Iori ဆီကို ဝင်လာသော လူတွေကြောင့် စိတ်ပူစွာ လှည့်ကြည့်လိုက်မိသည်။