Nakamura Clan ရဲ့ အဝန်းပိုင်းကနေ မြို့ထဲထိ Ken ကို ဒုန်းစိုင်းစီးသွားရင်း တည်းခိုခန်းတစ်ခုနားရောက်တော့ Shun ရပ်လိုက်သည်။
" ဒီည ဒီမှာ နားရအောင် "
Iori အလိုက်သိစွာမြင်းပေါ်က ဆင်းလိုက်သည်။ Shun လည်း မြင်းပေါ်က ဆင်းလိုက်ပြီး တည်းခိုခန်းထဲဝင်ကာ တစ်ယောက်အိပ်အခန်း တစ်ခန်း မှာလိုက်သည်။ Iori အံအားသင့်သွားသလို တည်းခိုခန်းအလုပ်သမ ကလည်း သူတို့နှစ်ယောက်ကို မယုံနိုင်သလိုပြူးကြောင်ကြောင်လေးနှင့်ကြည့်နေသည်။
" ဘာကြည့်တာလဲ "
" ဟို... နှစ်ယောက်လုံးတည်းမှာ မဟုတ်ဘူးလား "
" ဟုတ်တယ်လေ "
" အာ့ဆို တစ်ယောက်အိပ်အခန်းနှစ်ခန်း "
" မလိုဘူး တစ်ခန်းဘဲ "
တည်းခိုခန်းအလုပ်သမားကို ဘောက်ဆတ်ဆတ်နဲ့ ပြောနေသော Shun ကြောင့် Iori မျက်နှာပူပူနှင့်ပင် ဝင်ပြောရသည်။
" Shun ငါတို့နှစ်ခန်း မှာသင့်တာ မဟုတ်လား "
" အတူ အိပ်မှာဘဲကို "
Shun ကသာ အေးအေးဆေးဆေးပြောနေပေမယ့် Iori မျက်နှာပိုပူလာသည်။
" အဲဒါဆိုလည်း နှစ်ယောက်ခန်းတော့မှာလေ "
" ပိုက်ဆံမရှိဘူး "
ညနေက Shun လောင်းကစားရှုံးတာကို သတိရပြီး Iori သက်ပြင်းချလိုက်သည်။ တည်းခိုခန်းအလုပ်သမလေးကလည်း သူတို့နှစ်ယောက်ကို စိတ်လွတ်နေသူလို ကြည့်ပြီး အခန်းလိုက်ပြလိုက်တော့သည်။
" ဒီ အခန်းက သခင်လေးပြောတဲ့အတိုင်း ကိုယ်ပိုင်ရေချိုးခန်းပါပြီး ဝရံတာလည်း ရှိတယ်။ ဒါပေမယ့် သခင်လေးဖြစ်စေချင်သလို အသံလည်း လုံတယ်။ ညစာကတော့ အောက်ထပ်က စားသောက်ဆိုင်မှာစားလို့ရသလို အခန်းထဲမှာလည်းစားလို့ရပါတယ်။ အဆင်မပြေတာရှိရင်လည်း ကျွန်မတို့ကို အချိန်မရွေးပြောလို့ရပါတယ်။ "
ကောင်မလေးက သံပါတ်ပေးထားတဲ့အရုပ်လို မျက်နှာသေနှင့် ပြောစရာရှိတာပြောပြီး ဦးညွှတ်ကာထွက်သွားတော့သည်။ သို့သော် သူမလမ်းလျှောက်နေတဲ့ပုံစံက ဖုတ်ဝင်နေသလို စိတ်လွတ်နေသူလိုပင်။
YOU ARE READING
Bleeding Love Of Fallen Angel
Historical Fiction🍃 စစ္ေျမျပင္ေပၚက မ်က္ေတာင္မခတ္တမ္း လူသတ္ႏိုင္တဲ့ ဆာမူ႐ိုင္း တစ္ေယာက္ရဲ႕.. ႏွလံုးသားပလႅင္ကို သိမ္းပိုက္ႏိုင္ခဲ့တဲ့သူဟာ ခ်ယ္ရီ ပန္းလို ႏူးညံသိမ္ေမြ႔တဲ့ မိနိးမပ်ိဳမဟုတ္ဘဲ သူနဲ႔ထပ္တူ ေသြးေအးရက္စက္တဲ့ ေယာက်ာ္းတစ္ေယာက္ျဖစ္ေနတဲ့အခါ...🍃 🍃 စစ်မြေပြင်ပေါ်က...
