"အိမ်ရှင်တို့ ကျွန်တော်တို့ ရဲတပ်ဖွဲ့ကပါ စစ်ဆေးမေးမြန်းစရာလေးရှိလို့ပါ"
ဟူသော အသံနှင့်အတူ ခြံထဲသို့ ဝင်လာပြီးြဖစ်သော ရဲများ။
ရုတ်တရက်မို့ တိမ်ယံတို့ သားအမိ နှစ်ယောက်က တစ်ယောက်မျက်နှာကုိ တစ်ယောက် ကြောင်ကာ ကြည့်လျက်။"ဟုတ်ကဲ့ ကျွန်တော်တို့ကို အိမ်ပေါ် တက်ခွင့်ပြုပါ"
"အော် ဟုတ်ကဲ့ ၊ ဘာကိစ္စများရှိလို့လဲနော်"
ဒေါ်ခင်မာဦး၏ မေးခွန်းကို တစ်ယောက်မှ မဖြေ။ ရဲများထဲမှ အကြီးအကဲဖြစ်ဟန်တူသည့် တစ်ယောက်က တိမ်ယံ့ကို သေချာစွာ စိုက်ကြည့်ကာ"ဒီက ညီလေးက တိမ်ယံဦးလား" ဟု မေးလိုက်လေသည်။
"ဟုတ်ကဲ့ ကျွန်တော်က တိမ်ယံဦးပါ"
"သူ့ကုိ လက်ထိတ်ခတ်လိုက်"
"ခင်ဗျာ /ရှင်"
ထိုအရာရှိက သူ့လက်အောက်ငယ်သားတွေကုိ
တိမ်ယံ့အား လက်ထိတ်ခတ်ရန် ပြောလိုက်သောအခါ တိမ်ယံတို့ သားအမိနှစ်ယောက်စလုံး အာမေဋိတ်သံများပြိုင်တူထွက်လာကြတော့သည်။ ထိုစဥ် ရဲသားနှစ်ယောက်က တိမ်ယံကုိ တစ်ဖက်တစ်ချက်စီမှ ဝန်းရံလိုက်ကာ တခြားတစ်ယောက်မှ လက်ကို လက်ထိတ်ခတ်လိုက်လေသည်။"ကုိတိမ်ယံဦးကုိ မူးယစ်ဆေးဝါး သုံးစွဲမှု၊ လက်ဝယ်တွေ့ရှိမှု ၊ ရောင်းဝယ်ဖောက်ကားမှုနဲ့ ကျွန်တော်တို့ ဖမ်းဆီးထိန်းသိမ်းလိုက်ပါပြီ "
"ဗျာ"
"အမလေး ကျွန်မသားေလးက အဲ့လိုလူမျိုးမဟုတ်ပါဘူးရှင်၊ လူမှားတာ နေမှာပါ ၊ သေချာ စစ်ဆေးစုံစမ်းကြပါအုံးရှင် ၊ ကျွန်မတောင်းပန်ပါတယ်"
ဒေါ်ခင်မာဦးက သားအဖြစ်ကို လက်မခံနုိင်သည့် ပုံစံဖြင့် ပျာပျာသလဲ ရှင်းပြကာ ရဲတွေကို တောင်းပန်တော့သည်။ တိမ်ယံ့ ခမျာလည်း မျက်စိပျက် မျက်နှာပျက်ဖြင့် ဘာလုပ်လို့ ဘာကုိင်ရမှန်းမသိ။ လက်ထိတ်လေးနှစ်ဖက် ခတ်လျက်သားဖြင့် မိခင်ဖြစ်သူကို အားကိုးတစ်ကြီး ကြည့်နေလေ၏။
"ဟေ့ ဘာတွေဖြစ်နေကြတာလဲ"
မေးခွန်းနဲ့အတူ အိမ်ထဲဝင်လာသူက ဦးတိမ်စုိး။
လက်ထိပ်တန်းလန်းနှင့်သားကို မြင်တော့ မျက်နှာက ကွက်ခနဲ ပျက်သွား၏။
YOU ARE READING
MSFOMH💛 {Completed}
RomanceStart - May 2020 BL OC (Myanmar) 💗 စိတ်ကူးယဥ် ဇာတ်လမ်းတစ်ပုဒ်သာ ဖြစ်ပါသည်။ တစ်စုံတစ်ယောက်ကို ထိခိုက်စေလိုသော ဆန္ဒမရှိပါ။