صراع الحب و الكبرياء

التفاعل

مساء الخير،

يا جماعة تصويتكم وين ؟!

مشاهدات البارت الواحد تتجاوز ال 2000 إلى 3000 و التصويت ما يتجاوز ال 300، ليش ؟!!

بشنو تأثر النجمة اذا حطيتوها ؟!

يعني الرواية دا يصعدوها بعض المتابعين و الغالبية يقرأون بصمت لا نجمة و لا تعليق و لمن يتأخر البارت الكل يجي للمنصة لو للخاص يطالب بيه !!

اني مو علمود شي، بس لمن دا أطلب دعم لروايتي من الكاتبات و يشوفون مشاهداتها و التصويت عليها قليل ينسحبون من فكرة الدعم، و هي شي بسيط ما يكلفكم وقت و جهد والله، أبسط حق ممكن أطالبكم بيه بعد تعبي بحَبك و سرد الأحداث هي النجمة .. يمكن انتو تستهينون بيها، بس بالنسبة الي كلش مهمة حتى ترفع لي مستوى تقييم الرواية ..

أتمنى منكم التعاون،
لأنه صراحة بدأت أمل من هذا الموضوع ..

و كل الحب و التقدير للمتفاعلين،
لخاطركم اني مستمرة لحد الآن ...

تحياتي

تعديل ..
و بدون زعل ..

من الفصل القادم، إذا التصويت يقل عن 500 كحد أدنى، تعذروني ما راح اضغط على نفسي حتى أنزل الفصول الي بعده بموعدها ..
أتمنى تتفهمون هالشي، لأنه لو تعرفون كمية التعب الي دا أتعبه بين الدوام و البيت و الكتابة الي يحتاج لها تركيز مضاعف، راح تعذروني ...

و سبب كلامي هو تعذر هواية كاتبات و متابعين معروفين للروايات عن دعم و قراءة روايتي بسبب التصويت الضعيف الي بيها ..
و جاية أكتب لكم ببارت الخميس قلت اذا خلصته من وقت ما اخليكم تنتظرون لليلة الخميس، و أنشره حتى لو خلصته الصبح .. و بنفس الوقت حاطة كدامي هواية ملفات للشغل و الدراسة محتاجة مراجعة ...