صراع الحب و الكبرياء

الفصل السبعون

#الفصل_السبعون
#صراع_الحب_و_الكبرياء

ليش توعدنيّ بوُطن مآ يحتوينيّ  !!

نترت بيه،
- طبعاً من حقي، و لا عبالك أسبابك تقنعني و اغفر لك، ماكو شي يبرر لك السويته، لو تجيب لي أعذار السماوات و الأرض ...

باوع لها بنظرة متأملة لقوتها الي تدّعيها، و رد،
- حقج علية .. و هسة منين تريدين نبدي ؟!

- ليش هيج سويت ؟!

سحب أنفاسه و رد،
- تذكرين مشاكل الشغل أول ما بلشتي وياية أكيد .. بوقتها ظليت أيام حاير لما وكَعت على العلة .. كل من إله إيد بالموضوع استغنيت عن خدماته، بس المشاكل ما وكَفت لحد هنا .. الي طلعتهم ما حصل ا شغل باستثناءها هي ..
رجع يسحب نفس و الثاني و كمل،
- خابرتني تطلب واسطة للشغل بغير مكان، و اني عملت بأصلي و قدمت لها المساعدة في سبيل الله و هم كَلت اتخلص منها للأبد و ما ترجع تحوم حواليّا، و زاد إصراري ع الموضوع من بجت عيونج الحلوة و شفت قربها يزعجج ...

نترت بنفاذ صبر،
- لعد شكو رجعت قربتها ؟! احجي لي بالمفيد هذا كله اعرفه ...

- تؤ حبيبي نصي صوتج نايمين، شوية شوية جايج بالحجي ...

- احجي عاد ...

- اشتغلت بشركة ثانية، بس طبعاً بمنصب أقل، منصبها حيل عادي مقارنة بلّي جانت عليه يمنا .. و اختفت، كَلت الحمد لله الي خلصت و التفت هسة لشغلي و لعائلتي .. الله يشهد من بعد ذاك الوقت انطيتج كل اهتمامي، و بلحظة وحدة ما فكرت بيها .. نسيتها و انشغلت بيج و بمسؤولياتي الي ما تخلص .. أشهر مرت و هواية مشاكل واجهتني بالشغل، هواية مناقصات خسرت، هواية زبائن كَمت اخسرهم و أيام طويلة ظليت هايم اريد اوكَع ع العلة، اني صح بالإدارة بس عندي فريق استشاريين يقيمون الموظفين وياية و يقيموني و يقيمون الأكبر مني .. تعرفيهم .. أعرض عليهم الملفات، مناقصة مناقصة، مشروع مشروع، يابة اكو شي متغير ؟! مستوانا متراجع ؟! كل شي ماكو، كل شي .. و بيوم مستثمر من المستثمرين رفض خطة مشروعي، و لمن شرح لي أسبابه كَعد يحجي بمساوئ هذا و هذا و هذا ووو بتبريرات أكاديمة، مغلوطة بس مال واحد يعرف الصنعة، عمي انت مهندس ؟! مقاول ؟! كله لا لا، و بالاخير طلع مشتغل مشروع شبيه وية شركة ..... و هم مشوفي نماذجهم و وياها النماذج البديلة و هاي غلط و تسوي هيج هيج، تعرفين انتي لمن تشرحين للمستثمر ...

أومأت له بعد ما اندمجت وياه بالكلام مستشعرة خطورة الي دا ينطق بيه .. و كمل،
- فطلع هم مشوفيه نماذج مشابهة لشغلي و شارحيله مساوئ هيج تصاميم و هو الإنسان ما دارس ولا يعرف الي نعرفه، كل شي نسويه إله إيجابيات و سلبيات و لمن إنسان يجهل شغلة اي شي يحجوله يصدكَ بدون ما يفكر زين الي قدموه الي هم شنو سلبياته حتى أقارن و اشوف الأصلح لي ؟! و الي صار بصالحي لما سألته اذا شافوا موقعك و قيموه، و المفاجأة إنه محد طالع وياه، شايفة احنا لمن نبلش مشروع نلبس و نطلع للمكان ؟! هم معتمدين على أبعاد و متطلبات و محد شايف مكانه، و هذا الي بيّن له إنه فعلاً اني على حق و سحبت لسانه وراها .. عرفت إنه هي دا تحاربني برزقي ...