#الفصل_الحادي_و_الخمسون
#صراع_الحب_و_الكبرياء
نتلاكه و يكضنه الزعل
و ندور چن محد يشوف الثاني..💔
......
حست من نومها على لمسات أصابعه لملامح وجهها و همساته بإسم دلعها، فتحت عيونها بالتدريج و تلاقت بعيونه، و هو يهمس بابتسامة تتّسع كلما تباعدت أجفانها أكثر،
- كَعدتي ؟! صدقة لهذا الوجه ...
ردت له بابتسامتها النعسانة،
- صباح الخير ...
مال براسه و بوّس عيونها و هو يهمس ببحّة نوم مسيطرة على صوته،
- صباح النور و العافية ...
حاوطت رقبته و ردت له ببوسة على خده،
- اليوم مزاجك وردي ...
ضحك و هو يبوس بوجهها،
- هسة اني اني، شكبرني شكَدني و تتهمين مزاجي بالورديّة ؟!
- شبيها قابل عيب ؟! بعدين غير تفاجئت بيك، صار لك يومين عاكَد علينا النونة ...
خلل أصابعه بشعرها، يرجع خصلاتها لخلف أذنها، و رد،
- ضوجتج مو ؟! والله عندي طاقة سلبية ما تتصوريها، ما ادري بروحي شاسوي أصلاً ...
- و هسة مرتاح ؟!
- شوية رخت اعصابي ..
و مال يبوس طرف جبينها و يكَول،
- يلا كَومي نصلي ...
سكتت لثواني تفكر بعذرها الشرعي الي من يوم الأمس و هي تتهرب منه بسببه، تتهرب بأوقات الصلاة حتى ما تضطر تفتح وياه الموضوع، و هسة انحصرت بزاوية حدودها ذراعيه، فهل من سبيلٍ للهرب بعد الآن ؟!
سبّلت عيونها و همست بخجل،
- كَوم انت صلّي ...
دنكَ عليها يهمس بصوت دافي،
- و انتي ما تصلين ؟!
ردت بتلقائية من بين أسنانها،
- تؤ ...
و غمضت عيونها تسمع همسه،
- معذورة ؟!
هزت راسها بالإيجاب و إيده تربت على شعرها و يوصلها همسه و أنفاسه الحارة تلفح وجهها،
- من يمتى ؟!
ردت بهمس خجول دمر أعصابها،
- البارحة ...
و أردف بتساؤول،
- زين ليش خجلانة ؟! شو باعيلي ...
فتحت عيونها على استحياء، صفن بعيونها و إبهامه تداعب وجنتها و همس،
- مو رجلج اني ؟! اكو وحدة تستحي من رجلها ؟!
ردت و عيونها تناظر الفراغ،
- موو، الموضوع سخيف ...
- حتى لو، بيناتنا بكل شي نحتاج نحجي، ما يصير تظلين خجلانة مني و تساويني بباقي الناس .. رجلج اني و واحدنا للثاني ستر و غطا، لو غلطان ؟!
باوعت بعيونه بإمعان و أومأت براسها دليل الفهم .. باس خدها و نهض من مكانه،
- يلا أكَوم اصلي معناها، و انتي ارجعي نامي ...
أنت تقرأ
صراع الحب و الكبرياء
عاطفيةظلم تعرض له جيلين من الأبناء على يد الجد .. فرق إبنه عن زوجته، و كانوا ضحايا ظلمه ثلاث أشخاص .. زياد، سميّة و وطن ... و عاود كرّة ظلمه على حفيدته بعد سنين بزواج إجبار من ابن عمها الأكبر ... هي .. عنيدة، ذات كبرياء ... و هو .. يحمل نفس الدماء، عنيد،...
