#الفصل_الثالث_و_الأربعون
#صراع_الحب_و_الكبرياءاخبرك سرآ .. ! سأجلسُ على بساط الغرور مَ دمتِ انت معيَ ومَ دُمتِ انت بجآنبيَ و مَ دمت انا احبك ،،
......كَعدت الصبح .. الدنيا باردة حيل، و لازم تلحق تسبح و تنشف شعرها قبل موعد الصالون الظهر ...
فتحت السخان تنتظر المي يدفى، بدلت لهيمة، و دخلت للمطبخ تسوي الريوكَ .. شوية و دخل ابوها مبدل و مستعد للشغل .. كَعد ساند ظهره لظهر الكرسي و هيمة بحضنه يسأله بموضوع امتحان اليوم، ساعة يكَولّه عفية، و ساعة يصحح له خطأه، و هم يتريكَون .. إلى أن صار وقت طلعتهم .. واكَفة تباوع لهم بنظرة متأملة، لبسه جنطته و قبل لا يطلع اندار عليها، باس جبينها و هو يسأل،
- باباتي محتاجة شي ؟!باست خده و هي ترد،
- لا حبيبي، سلامتك ...- شوكت تروحين ؟!
- بعد وكت هسة، ساعة اهدعش أنس يمر لي ...
- بيها الخير حبيبتي، يلا لعد اني طالع ...
- الله وياك بابا ...
و طلع من باب المطبخ و هيمة يركض كَدامه ... قفلت الأبواب و دخلت للحمام، و وية طلعتها، رغم البيت مو بارد بس لزمتها رجفة برد، بآخر فترة لازمتها كل ما طلعت من الحمام ...
كَعدت على سريرها و تلحفت باللحاف شوية يلا خفت رجفتها، و كَدرت تكمل تحضير نفسها، و أغراضها ...صارت العشرة و نص و اتصل عليها،
- صباح الخير ...- صباح النور حبيبي، شلونج ؟!
- زينة، انت شلونك ؟!
- أسأل عنج، كَاعدة ؟!
- إي من الصبح ...
- و اني الي مشتاق من الصبح، و كَلت خليها نايمة ...
- لا يمعود يا نوم، طلعتهم للدوامات، و رتبت البيت، و هسة جاهزة ما عندي شي ...
- بعد عمري النشيط .. ديلا حبيبي، اني عشر دقايق و اكون يمج ...
و خلال عشر دقايق سمعت الهورن مالته .. طلعت و لكَته هو و البنات بالسيارة ينتظروها .. وصلهم للصالون، نزلوا البنات و هي أشر لها تظل .. كَاعدة الكشن الخلفي و مدت له راسها من الوسط،
- ها حبيبي رايد شي ؟!- إي، مو الكَاع محظورة جانت .. شلون وضعج ؟!
ابتسمت، و هي ترد بحلاوة،
- مو كَتلك زينة ...رد بنبرته المحذرة،
- لا تضغطين على روحج، حاولوا تخلصون بسرعة حتى ترجعين من وكت ...- احنا تلاثة يمعود ...
- حتى لو، إذا اضطروا يطولون خابريني أجيج، وضعج مو مثل وضعهم و تكَدرين تنتظرين ...
ردت بابتسامة، و هي مضيقة عيونها،
- يعنييي، هسة انت خايف على منو منّا بالضبط ؟!
أنت تقرأ
صراع الحب و الكبرياء
Romansaظلم تعرض له جيلين من الأبناء على يد الجد .. فرق إبنه عن زوجته، و كانوا ضحايا ظلمه ثلاث أشخاص .. زياد، سميّة و وطن ... و عاود كرّة ظلمه على حفيدته بعد سنين بزواج إجبار من ابن عمها الأكبر ... هي .. عنيدة، ذات كبرياء ... و هو .. يحمل نفس الدماء، عنيد،...