#الفصل_الخامس_و_الخمسون
#صراع_الحب_و_الكبرياء
فأنا كـ امرأةٍ يَكفيني أن أشعر أنك تَحميني
أن أشعر أن هُناكَ يداً تتسلل مِن خلف المَقعد
كي تَمسح رأسي وجبيني ..
......
وصلها لأمها و تفاجأت بيها هي و ريم بالبيت لوحدهم، كل وحدة بغرفتها تنعى فقيدها وحيدة ..
- ماما شنو انتو مو بالفاتحة ؟!
و أمها ما ترد غير بدموع كسرتها،
- خليني ببيتي يمة، هي الما عدها حظ من اول، يصير عدها حظ من تالي ؟!
- ماما شصاير، صدكَ كذب ؟! شبيهم شنو سمعوج حجاية ؟!
و أمها بس تمسح بدموعها و ترد،
- هم و ربهم ينجازون يمة .. أكَعد ببيتي و المكم يمي، و أبو بيتي عاذرني ما أحضر عزاه، يعرف بنص من عايشة ...
و ردت تشهكَ و تبجي و تحاجيه،
- إلمن عفتني عادل، عفتني ملطشة لهذا و ذاك ؟! ولك شلون اعيش بهاي الدنيا بليّاك ؟! منو إلي بعدك ؟!
و هي و ريم ملتمين حواليها يواسوها و يواسون بعضهم بفقد أبوهم ...
شوية مر وقت و نامت أمهم من التعب .. غطتها و طلعت هي و أختها و كَعدت تسألها،
- ريم شصاير ؟! اني ما لحيت على ماما لأنه البيها مكفيها، بس فهميني شصاير ؟!
و ريم ترد من بين دموعها،
- من البارحة لليوم عماتي و نسوان عمامي ظلوا يسمعوها كلام مو حلو و يعيروها بالماضي، و كل ظنهم راح ترجع تعيش يمهم .. بس رجعوا من دفنة خلت ابن عمي يوصلنا، تكَول نكَعد هنا و نسكت و نتجفى شرهم ...
- عزا بعينهم، صدكَ جذب، هي بيا حال !! صدكَ من بعده راح نظل ملطشة ...
و ريم تشهكَ بحضنها و تبجي،
- انتي ما عليج شي توتة، الحمد لله كَاعدة ببيتج وية أهل يحبوج، احنا الي راح نضيع بين الرجلين و ما عدنا حتى أخ نستند عليه ...
- ريمة شتكَولين انتي ؟! وج شلون اعوفكم ؟! تعقليها انام مرتاحة و انتو متعذبين لوحدكم ؟!
- يا ريت نظل وحدنا .. والله ما نريد بس يعوفونا بحالنا و يجفونا شرهم .. بابا يعرفهم شنو من ملة لهالسبب بعدنا عنهم، ما نشوفهم بس بالمناسبات و هسة راح يستفردون بينا ...
حضنتها تطبطب عليها و تردد،
- لا إن شاء الله ما يصير شي، بس كَولي يا ألله ...
صار الظهر و لملمت نفسها و توجهت للمطبخ، سوت الغدا و محد يقبل ياكل شي، و الأكل انشال مثل ما انحط .. و وحدة صافنة بوجه الثانية .. و عينهم على القنفة الي هو يكَعد عليها .. مكانه الأثري، بعدها ريحته بيها و بكل مكان بالشقة الصغيرة ...
للعصر و رن موبايلها يعلن عن اتصال قادم، رفعته بلا روح، أم أنس،
- السلام عليكم ...
و عليكم السلام عمة ...
أنت تقرأ
صراع الحب و الكبرياء
Romanceظلم تعرض له جيلين من الأبناء على يد الجد .. فرق إبنه عن زوجته، و كانوا ضحايا ظلمه ثلاث أشخاص .. زياد، سميّة و وطن ... و عاود كرّة ظلمه على حفيدته بعد سنين بزواج إجبار من ابن عمها الأكبر ... هي .. عنيدة، ذات كبرياء ... و هو .. يحمل نفس الدماء، عنيد،...
