YiHan Book 1, 2 & 3 [COMPLETED]

CHAPTER 3.16

NGUMISI muna ang mga Synthetron bago nagtawanan.

Naitirik na lang ni Iris ang kanyang mga mata. “I knew it, hindi sila maniniwala.”

“Bakit kayo tumatawa?!” bulyaw ni ND, “Hindi n'yo man lang ba susubukan ang—”

“I'm sorry, I think I misheard you,” putol ng isang Synthetron, “What's that again? S-subukan? You want us to try that fucking idea—”

“It wasn't an idea!” Si Tina naman ang nambara sa Synthetron. “Totoong mapapagaling ng langis ng aswang ang mga sugat ni YiHan!”

“Then if that's the case, you guys go and collect that freaky elixir of an oil.” Muling nagtawanan ang mga Synthetron.

“Kung kaya lang namin, we wouldn't ask for your cooperation, you bunch of know it alls!”

Hindi pinansin ng mga Synthetron ang parungit ni Jessa. Nagtawanan lang uli ang mga ito habang ginagawang katatawanan ang sinabi nila.

“Hey, Mr. Aswang, can I have some of your healing oil?”

“And what do I get in exchange of it?”

“You choose, my heart or my liver?”

“Can I have both? I'll give you an unlimited supply of my oil.”

“Owwkeyyy...”

Laughter.

“Like we can ask them like that!”

“And they'll give it for free!”

Another roar of laughter.

Napailing na lang si Iris bago hinila palayo si ND.

“New batch na siguro ang mga iyan,” ani ND, “Hindi ko sila kilala at lalong hindi ko makilala ang ugali nila.”

“Oo nga,” sang-ayon ni Tina, “Most of the Synthetron's I know are approachable and sincere kahit mukhang mga suplado. Ang mga iyan... ewan!”

“Hindi tayo pwedeng tumunganga lang,” Jessa said, “Kailangang umisip tayo ng paraan kung paano makakakuha ng langis ng aswang.”

“Excuse us?”

Napalingon sila sa nagsalita. Dalawang naka-sky blue scub suit na lalaki ang nasa likuran nila.

“Prof. Cruz, right? Iris Cruz?” anang isa.

Napatingin si Iris sa kaniyang mga kasama bago hinarap ang dalawa. “A-ako nga, what can I do for you?”

Nagliwanag ang mukha ng mga ito. “Fuck it. Ikaw nga... W-we are a huge fan, prof! Reader kami ng blogs mo! B-by the way, I am Thomas Fuentes and this is—”

“Carl Eusebio. Carl Eusebio, Prof.” At nag-uunahan siyang kinamayan ng mga ito.

Alanganing ngumiti si Iris, no reaction naman sina ND na nag-iisip pa rin kung paano isasalba si YiHan.

“We heard you arguing with the synthetrons, may problema ba?” tanong ni Carl.

Napabuga siya ng hangin. “Well... We are telling them about the wonders of an aswang’s oil for YiHan, pero ayaw nilang maniwala, tinatawanan lang kami.”.

“Why? Ano ba'ng magagawa ng langis ng aswang kay YiHan?” si Thomas.

“Kaya lang naman pabilisin ng langis ng aswang ang paggaling ng mga sugat ni YiHan,” tugon ni ND.

Nanlaki ang mata ng dalawa. “For real?!”

“Oo, it's been tried and tested,” sagot ni Tina.