Unicode Version
Toilet မှပြန်ထွက်လာကာ မိုးထက်မြင့်တို့ဝိုင်းကိုလှမ်းကြည့်လိုက်တော့ သူငယ်ချင်းတစ်စု သောက်ကြစားကြ စကားတွေဖောင်ဖွဲ့ကြနဲ့ ပွဲကျနေကြသည်ကို တွေ့ရသည်။ ထိုဝိုင်းသို့ ပြန်သွားထိုင်လျှင် မိမိကြောင့် အပျော်တွေပျက်သွားမည်စိုး၍ အပြင်သို့ ခဏလောက်လေကောင်းလေသန့်ရှူရန်ထွက်လာခဲ့သည်။
'ဟာ!'
Club ၏အဝင်ဝ၌ မိန်းကလေးတစ်ယောက်နှင့်တိုက်မိလေသည်။ ထိုမိန်းကလေးက အဝတ်အစားလှလှပပ၊ ဆံပင်အကောက်များကိုစည်းထားပြီး မှောင်မဲနေသည့်တိုင်အောင် Mask အမဲရောင်လည်းတပ်ထားသည်။ ဝိုင်လည်း မိမိကမမှားသော်လည်း ပြဿနာတက်မည်စိုးသောကြောင့် တောင်းပန်လိုက်သည်။
Wine: 'တောင်းပန်ပါတယ်နော်'
ဝိုင့်ရဲ့အသံကိုကြားတော့ ဝိုင့်ဘက်လှည့်ပြီး ခြေဆုံးခေါင်းဆုံးကြည့်ကာ
Sammy: 'ဘာလဲကွာ...ပျော်ချင်လို့လာတာ စိတ်အနှောင့်အယှက်ဖြစ်ရတယ်၊ ဒီလိုနေရာမျိုးကို ဘယ်ကတိုက်ဂေါတွေရောက်လာမှန်းမသိဘူး၊ သိပ်စိတ်ပျက်ဖို့ကောင်းတာပဲ' ဟု ခပ်ရွဲ့ရွဲ့လေသံဖြင့်ပြန်ပြောလေသည်။
မိမိမမှားပဲတောင်းပန်သော်လည်း တစ်ဖက်က မကျေနပ်နိုင်သည့်အပြင် ရန်ပါထပ်ရှာနေသောကြောင့် ဝိုင်လည်း ဆက်သည်းမခံနိုင်တော့ပေ။
Wine: 'ဒီမှာ အစ်မ၊ တောင်းပန်နေတာပဲလေ။ ပြီးတော့ သေချာလည်းစဉ်းစားဦး ကျွန်မက ဝင်တိုက်တာမဟုတ်ဘူး ဒီကအစ်မက ကျွန်မကိုဝင်တိုက်တာ'
Sammy: 'ဘာ! အစ်မ? ဘယ်လိုတွေခေါ်နေတာလဲ? ပြီးတော့ ပေါက်ကရတွေမပြောနဲ့ ငါလာတာ မင်းကိုမမြင်ပါဘူး သူကဖြင့် ဘယ်ကနေဘွားခနဲပေါ်လို့ပေါ်လာမှန်းမသိပဲနဲ့'
Wine: 'ဪ ဘယ်မြင်မလဲ အစ်မရယ်၊ အစ်မက ဒီလောက်မှောင်နေတဲ့နေရာကို မျက်မှန်အမဲကြီးတပ်ပြီးလာတယ်လေ။ ပြီးတော့ စီးထားတဲ့ဒေါက်ကလည်း ကျွန်မတစ်ရပ်လောက်ရှိတာကိုစီးပြီးတော့ မိုးပေါ်ပဲကြည့်လျှောက်နေတာကိုး'
Sammy: 'ဒါဆို မင်းမမှားဘူးပေါ့?'
Wine: 'အင်းလေ'
Sammy: 'ဒါဆိုဘာလို့တောင်းပန်တာလဲ?'
ပြဿနာမဖြစ်ချင်လို့ဟုဖြေလိုက်ပြန်ရင်လည်း မိမိအားနည်းချက်ကိုသိသွားမည်စိုးသဖြင့်
