Unicode Version
ဦးကြည်မျက်မြင်တွေ့ခဲ့ရသည်ဟူသော အဖြစ်အပျက်အကြောင်းကြားသိရသောအခါ ဝိုင်မယုံကြည်နိုင်ဖြစ်သွားရသည်။ မိမိအဖေက တရားခံမဟုတ်မှန်းသိ၍ ဝမ်းသာရမည့်အစား ဘာကြောင့်မှန်းမသိပဲ ပြိုလဲနေမိသည်။
Wine: 'နေမင်း! ဦးကြည်ပြောတာ တကယ်မဟုတ်ဘူးမှတ်လား?'
Naymin: 'နင်ပျော်သင့်တယ်မဟုတ်လား? ဦးလေးရဲ့နာမည်ကို သန့်စင်ပေးနိုင်မယ်လေ'
Wine: 'အင်း! ပျော်သင့်တယ်! ဒါပေမယ့် ဘာလို့ ငါပျော်မနေတာလဲဟင်? ငါ့ရင်ဘတ်ကြီးတစ်ခုလုံးကွဲကြေသလို ငါဘာလို့ခံစားနေရတာလဲ?'
Naymin: 'နင်အခုနားလည်ပြီလား? ကိုမိုးထက်မြင့် ဘာကြောင့် နင့်အပေါ် အေးစက်စက်ဆက်ဆံခဲ့လဲဆိုတာကို'
Wine: 'အင်း! ဒါကြောင့်ဆိုတာကိုတော့သိပြီ။ ဒါပေမယ့် နားမလည်နိုင်ဘူး။ သူဘာကြောင့် ငါ့ကိုမပြောခဲ့ရတာလဲ? သူ့အဖေလုပ်တာဆိုပေမယ့် ဒါကအပြစ်ပြောလို့မှမရပဲ။ တကယ်အပြစ်ရှိတာက ဦးသတိုးလေ။ ဒါပေမယ့် ဘာလို့ ဖေဖေ့နာမည်ကိုသန့်စင်ပေးဖို့ သူငါ့ကိုအခွင့်အရေးမပေးခဲ့ရတာလဲ? အမှန်တရားကိုသိနေရက်နဲ့။ အဲ့ဒီအစား ငါ့အပေါ်စိမ်းစိမ်းကားကားဆက်ဆံပြီး ထွက်သွားအောင်လုပ်ခဲ့တယ်။ ဘာလို့လဲ? အဲ့လောက်ထိ လိုအပ်လို့လား?'
Naymin: 'သူ့မှာလည်း သူ့အကြောင်းနဲ့သူရှိမှာပေါ့။ ဒါပေမယ့် ငါနားမလည်တာက ကိုမိုးထက်မြင့်တို့မောင်နှမက ဘာလို့ဦးကြည်ကို ဖွက်ထားခဲ့ရတာလဲ?'
-------------------------------------------
MHM: (ဒီကိစ္စကြီးကို ဖုံးကွယ်ထားရတာ အဆင်မပြေတော့ဘူး။ ဝိုင့်မျက်နှာကိုကြည့်ရတာ မလုံမလဲဖြစ်လာပြီ။ ငါဝိုင့်ကိုပြောပြမှဖြစ်တော့မယ်။ နောက်ပိုင်း ဆုံးဖြတ်ချက်အားလုံးကိုတော့ ဝိုင်ပဲဆုံးဖြတ်ပါစေ...😪)
မိမိအခန်းထဲသို့ ဝိုင်တရွေ့ရွေ့ဖြင့် ဝင်လာသည်ကို ဝမ်းပန်းတသာကြည့်နေရင်းမှ တဖြည်းဖြည်း ထူးဆန်းသလိုခံစားလာရသည်။
MHM: 'ဝိုင်! ဘာလို့လဲ? ဘယ်ကပြန်လာတာလဲ?'
ဝိုင်ကမည်သည့်မေးခွန်းကိုမှ အဖြေပြန်မပေးပဲ မိုးထက်မြင့်အနားရောက်သည်အထိ တရွေ့ရွေ့ ဆက်လျှောက်လာတော့သည်။
