#រឿងទឹកភ្នែកភរិយាជំនួស
#ភាគទី៩
ហាន់ណា លួចមើលមីនយ៉ុងតាមកញ្ចក់ឡាន នាងដឹងថា មីនយ៉ុងលួចអន់ចិត្ត ទើបកាន់តែបានដៃបញ្ឈឺថែម ដោយនិយាយពាក្យផ្អែមល្ហែមជាមួយ ថេយ៉ុង។ មីនយ៉ុង ព្យាយាមមិនគិត មិនខ្វល់ មើលតែទេសភាពតាមផ្លូវ រហូតដល់ប្រលានយន្ដហោះ។ ពួកគេទាំងបីក៏បានទៅកន្លែងលក់សំបុត្រយន្តហោះ ហើយក៏អនុវត្តតាមជំហានដែលគេកំណត់រហូតផុតដំណើរការណ៍ ដល់កន្លែងអង្គុយរង់ចាំយន្តចេញ។ មីនយ៉ុង អង្គុយអោបយ៉ុងតាន ដោយមិននិយាយអ្វីទាំងអស់។
ថេយ៉ុង បានចេញទៅទិញកាហ្វេ ពីរកែវ ឲ្យ ហាន់ណា និងខ្លួនគេ។ គេហុចឲ្យហាន់ណា ទាំងញញឹម ដោយមិនខ្វាល់ពីនារីដែលអង្គុយជិតខ្លួនរបស់គេបន្តិចសោះ។
“ ដៃខ្ញុំកាន់បានតែពីរកែវទេ..ទើបមិនកាន់ឲ្យនាងបាន! ”
“ មិនអីទេ! ខ្ញុំញុំាទឹកក្រូចនៅផ្ទះរួចហើយ! ”
នាងឆ្លើយទាំងញញឹម នាងដឹងច្បាស់ណាស់ ថាមិនចង់ទិញអ្វីឲ្យនាងទេ មីនយ៉ុង ក៏មិនសូវមានលុយសម្រាប់ចំណាយដែរ នាងបានលួចដាល់នំ និងទឹកផ្លែឈើខ្លះក្នុងវ៉ាលីធំ ខ្លះទៀតនៅក្នុងកាបូយ៉ុងតាន កុំឲ្យគេដឹងទុកញ៉ាំពេលទៅដល់។ នាងលេងជាមួយយ៉ុងតាន ដោយមិនខ្វល់ពីហាន់ណា និងថេយ៉ុង កំពុងតែបញ្ឈឺនាង។
យន្តហោះចេញដំណើរទៅទីក្រុងឌូប៉ៃ ដែលជាកន្លែងដែលស្រស់ស្អាតជាងគេនៅលើលោកយើងនេះ។ មីនយ៉ុងអង្គុយ ក្បែរបង្អួច ថេយ៉ុងនៅកណ្ដាល ចំណែកហាន់ណា នៅម្ខាងទៀត។ ថេយ៉ុង ធ្វើជាគេងលក់ ចំណែកមីនយ៉ុង នាងឃើញពួកគេគេងលក់អស់ហើយ ក៏យកកាបូរបស់នាង យកថ្នាំមកលេបម្ដងទៀត។
“ យ៉ុងតាន! ធ្វើបាបយើងម្លេះហា៎ថ្ងៃនេះ...! ថ្នាំពីរគ្រាប់ហើយណា....ខ្ញុំអត់មានលុយទិញលេបច្រើនទេ! កុំជំរុះរោមញឹកពេកកូនប៉ាថេ...! ”
នាងនិយាយជាមួយយ៉ុងតាន ក្រោយពីលេបថ្នាំរួច ថេយ៉ុង ស្ដាប់ឮនាងនិយាយ គេចង់សើចបន្តិចអាណិតនាងបន្តិច គេក៏ចង់សួរនាង ថាកើតអីដែរ តែក្រែងចិត្តហាន់ណា ខ្លាចនាងដឹងខូចចិត្តមិនខានទេ។
ВЫ ЧИТАЕТЕ
រឿង ទឹកភ្នែកភរិយាជំនួស ( ចប់ )
Документальная прозаនាងធ្វើគ្រប់យ៉ាងព្រោះ តែពាក្យថាសងគុណ។ នាងត្រូវរៀបការជាមួយមនុស្សដែល មិនឲ្យតម្លៃនាង មិនស្រលាញ់នាង។
